ပေါက်ကရ လေးဆယ်

Subscribe:

Wednesday, January 22, 2014

ရွှေနန်းရှင်နှင့် အာဏာပိုင် အပိုင်း(၁)

ရွှေနန်းရှင်နှင့် အာဏာပိုင်

၂၀၁၃ခုနှစ် ဒီဇင်ဘာလငါးရက်နေ့မှာ ဗန်ကောက်မြို့ ဘုရင့်နန်းတော်ရှေ့မှာ အ၀ါရောင် အလံတွေကိုင်ဆောင်ပြီး အ၀ါရောင်တီရှပ်တွေ ၀တ်ဆင်ထားတဲ့ ထိုင်းပြည်သူတွေနဲ့ စည်ကားနေပါတယ်။ အဲဒီနေ့ရက်ဟာ ထိုင်းဘုရင်မင်းမြတ်ရဲ့ သက်တော် ၈၆နှစ်မြောက် မွေးနေ့ပဲ ဖြစ်ပါတယ်။ နန်းတော်တွင်းမှာတော့ အစိုးရအကြီးအကဲတွေ၊ မင်းမျိုးမင်းနွယ်တွေနဲ့ ထိုင်းသူကောင်းမျိုးတွေဟာ ချပ်ဝတ်တန်ဆာ၊ မှူးမတ်အဆောင်အယောင်တွေနဲ့ ဘုရင်မင်းမြတ်ရဲ့ မိန့်ခွန်းကို နာခံဖို့ စောင့်ဆိုင်းနေကြပါတယ်။

လွန်ခဲ့တဲ့နှစ်တွေတုန်းက ဘူမိဘောဘုရင်မင်းမြတ်ဟာ ထိုင်းပြည်သူတွေကို နန်းတော်လသာဆောင်ပေါ်ကနေ မိန့်ခွန်းပြောနေကျပါ။ ဒါပေမယ့် ဒီနှစ်မှာတော့ ကျန်းမာရေးယိုယွင်းနေပြီး ဘီးတပ်ကုလားထိုင်နဲ့ သွားလာနေရတဲ့ ဘုရင်မင်းမြတ်ဟာ နန်းတော်တွင်းက ညီလာခံပလ္လင်တော်ပေါ်ကပဲ စာရွက်ကြည့်ပြီး မိန့်ခွန်းပြောခဲ့ရပါတယ်။



ကမ္ဘာ့နန်းသက်အရှည်ဆုံး ဘုရင်ဘူမိဘောရဲ့ နောက်ဆုံးနေ့ရက်က တဖြည်းဖြည်း နီးကပ်လာနေပြီဖြစ်ပါတယ်။ ထိုင်းပြည်သူတွေသာမက အိမ်နီးနားချင်းနိုင်ငံတွေက ပြည်သူတွေကပါ ရိုသေလေးစားခြင်းခံရတဲ့ ဘုရင်ဘူမိဘောဟာ စည်းမျဉ်းခံဘုရင်တစ်ပါးဖြစ်ပေမယ့် အာဏာလွန်ဆွဲမှုတွေကြောင့် မကြာခဏ မငြိမ်မသက်ဖြစ်လေ့ရှိတဲ့ ထိုင်းနိုင်ငံရေးလောကကို တစ်ဦးတည်းသော ထိန်းကျောင်းပေးနိုင်သူ ဖြစ်ပါတယ်။ ချက္ကရီမင်းဆက်ရဲ့ အထင်ရှားဆုံး မဟာချူလာလောင်ဂွန်ဘုရင်ရဲ့ ခြေရာကို မြေးဖြစ်တဲ့ ဘုရင်ဘူမိဘောက မှီအောင်နင်းနိုင်ခဲ့တယ်လို့ ပြောလို့ရပါတယ်။ ဒါပေမယ့် ချူလာလောင်ဂွန်ခေတ်နဲ့ ဘူမိဘောရဲ့ခေတ် ဖြတ်သန်းပုံချင်း မတူညီခဲ့ပါဘူး။ နောက်တစ်ချက်ကတော့ ဘုရင်ဘူမိဘောနောက်ပိုင်းမှာ ဆက်ခံကြမယ့် ထိုင်းရွှေနန်းရှင်တွေ ဘယ်လိုအနေအထားရှိမလဲဆိုတာ စဉ်းစားစရာပါ။

ထိုင်းဘုရင်ကျန်းမာရေးယိုယွင်းလာပြီး နန်းတော်မှာမနေနိုင်ပဲ ဆေးရုံမှာပဲ ကျန်းမာရေးအစောင့်အရှောက်နဲ့ နေရတဲ့အခြေအနေကို ရောက်သွားတဲ့အချိန်မှာ ထိုင်းနိုင်ငံမှာ နိုင်ငံရေးသမားတွေရဲ့ အာဏာလွန်ဆွဲမှုတွေ တစတစပိုပြင်းထန်လာပြီး လူထုဆူပူအုံကြွမှုတွေ ဆိုးဆိုးရွားရွားဖြစ်လာခဲ့တာ အားလုံးအသိပါ။ ဒီအခြေအနေကိုကြည့်ရင် ထိုင်းဘုရင်ဘူမိဘောကလွဲပြီး ကျန်တဲ့တော်ဝင်မိသားစုဝင်တွေဟာ ထိုင်းနိုင်ငံရေးအင်အားစုတွေအပေါ် အပြည့်အ၀သြဇာမညောင်းဘူးလို့ အကြမ်းဖျဉ်းသုံးသပ်လို့ရတဲ့ အနေအထားပဲ ဖြစ်ပါတယ်။ အကယ်၍သာ ဘုရင်ဘူမိဘောနတ်ရွာစံသွားခဲ့ရင် တော်ဝင်မိသားစုနဲ့ ခေတ်အဆက်ဆက် အာဏာပိုင်အစိုးရတွေကြား ဖြစ်ပျက်ခဲ့ဖူးတဲ့ အာဏာလွန်ဆွဲမှုတွေ တကျော့ပြန်လည်လာပြီး အခန့်မသင့်ရင် ထိုင်းဘုရင်စနစ်တောင် နိဂုံးချုပ်သွားနိုင်တဲ့ အလားအလာတွေရှိနေပါတယ်။ နောက်ပြီးတော့ တော်ဝင်မိသားစုအတွက် ပြဌာန်းထားတဲ့ Lèse-majesté Law (ဘုရင်နှင့် တော်ဝင်မိသားစုအား စော်ကားမှု) ဟာလည်း တော်ဝင်မိသားစုဝင်အချို့ရဲ့ အပြုအမူကြောင့် အငြင်းပွားစရာဖြစ်နေပြီး နိုင်ငံရေးပါတီအချင်းချင်း အာဏာလွန်ဆွဲတဲ့နေရာမှာ အသုံးချခံဥပဒေတစ်ခု ဖြစ်နေခဲ့တာ ကြာပါပြီ။ ထိုင်းဝန်ကြီးချုပ်ဟောင်း တရုတ်ကပြား သက်ဆင် အာဏာကနေဖယ်ရှားခံလိုက်ရတဲ့ အကြောင်းရင်းတွေထဲမှာ အဲဒီဥပဒေဟာလည်း တစိတ်တဒေသပါဝင်တယ်လို့ လူသိများကြပါတယ်။
တိုက်ဆိုင်တာတစ်ခုက သက်ဆင် (Thaksin) ဆိုတဲ့နာမည်ဟာ လက်ရှိထိုင်းနိုင်ငံရဲ့ ဥသျှောင် ချက္ကရီမင်းဆက်ကို စတင်တည်ထောင်ခဲ့တဲ့ မွန်လူမျိုး ဗိုလ်ချုပ်ကြီးThong Duang (ဗုဒ္ဓရွတ်ဖာဘွဲ့ခံ ဘုရင် ရာမ-၁)ရဲ့ မူလပထမရန်သူတော်တစ်ဦးရဲ့ နာမည်နဲ့ ခပ်ဆင်ဆင်တူပါတယ်။



အယုဒ္ဓယထီးနန်း ဗမာကျူးကျော်စစ်ကြောင့် ကျဆုံးသွားတဲ့အချိန်မှာ တရုတ်ကပြားတစ်ဦးဖြစ်တဲ့ တက်ဆင်(Taksin)ဟာ ဗမာကျူးကျော်စစ်ကို တော်လှန်ခဲ့ပါတယ်။ သူ့ရဲ့လက်ရုံးကတော့ အရင်းနှီးဆုံးငယ်သူငယ်ချင်းဖြစ်သူ လက်ရှိထိုင်းဘုရင်ဘူမိဘောရဲ့ ဘိုးဘေးဘီဘင်ဖြစ်တဲ့ ဗိုလ်ချုပ်ကြီး Thong Duang ပဲဖြစ်ပါတယ်။ တက်ဆင်ဟာ လက်ရှိဗန်ကောက်မြို့ရဲ့ တစ်ဖက်ကမ်း သွန်ဘူရီမှာ ထီးနန်းတည်ထောင်ပြီး Somdet Phra Chao Taksin Maha Rat ဆိုတဲ့ဘွဲ့နဲ့ ဘုရင်ဖြစ်လာခဲ့ပါတယ်။ ဗိုလ်ချုပ်ကြီး Thong Daung ဟာ ထွန်ဘူရီဘုရင်တက်ဆင်ကို လုပ်ကြံပြီး မဟာချက္ကရီမင်းဆက်ကို ၁၇၈၂ခုနှစ်မှာ စတင်တည်ထောင်ခဲ့ပါတယ်။ အဲဒီနောက်ပိုင်းမှာ နန်းတော်ကို ထွန်ဘူရီကနေ ကျောက်ဖရားမြစ်ရဲ့ အရှေ့ဖက်ကမ်း ရတနာ့ကော့စင်(Rattanakosin)ကို ပြောင်းရွှေ့စိုးစံခဲ့ပါတယ်။ ခုတော့ အဲဒီနှစ်နေရာစလုံးဟာ ခါန်ထေ့မဟာနဂုန် လို့ ထိုင်းတွေခေါ်ကြတဲ့ ဗန်ကောက်မြို့ဖြစ်နေပါပြီ။


ထွန်ဘူရီဘုရင် တက်ဆင်(Taksin)


ဗိုလ်ချုပ်ကြီး မဟာချက္ကရီ Thong Duang (ပထမမြောက်ရာမဘုရင်)

ထိုင်းနိုင်ငံရဲ့ ဥသျှောင် ချက္ကရီမင်းဆက်ကို ရာမမင်းဆက်လို့လည်း ခေါ်ကြပါတယ်။ စတင်တည်ထောင်သူ ဗိုလ်ချုပ်ကြီး Thong Duang ကို ပထမမြောက် ရာမဘုရင်(Rama I) လို့ခေါ်ပြီး လက်ရှိဘုရင်ဘူမိဘောကတော့ န၀မမြောက် ရာမဘုရင် (Rama IX) ဖြစ်ပါတယ်။ ချက္ကရီမင်းဆက်ရဲ့ အထင်ရှားဆုံးဘုရင်ကတော့ ပဉ္စမမြောက်ရာမဘုရင် မဟာချူလာလောင်ဂွန်ပဲဖြစ်ပါတယ်။


ပဉ္စမမြောက်ရာမဘုရင် မဟာချူလာလောင်ဂွန် မိသားစု

ရှေးဘုရင်တွေရဲ့ ထုံးစံအတိုင်း ကနဦးရာမဘုရင်တွေမှာ မိဖုရား၊ကြင်ယာတော် အများအပြားရှိခဲ့ပါတယ်။ ပထမမြောက်ရာမဘုရင်မှာ သားသမီး ၄၂ယောက် ထွန်းကားခဲ့ပြီး ဒုတိယမြောက်ရာမဘုရင်မှာတော့ သားသမီး ၇၃ယောက် ထွန်းကားခဲ့ပါတယ်။ ထင်ရှားတဲ့ဘုရင်တစ်ပါးဖြစ်တဲ့ စတုထ္ထမြောက်ရာမဘုရင် မောင်းဂွတ်ဟာ မိဖုရားနဲ့ ကြင်ယာတော် ၃၅ဦး လက်ထပ်ယူခဲ့ပြီး သားသမီး ၈၂ယောက် ထွန်းကားခဲ့ပါတယ်။ ပဉ္စမမြောက်ရာမဘုရင် ချူလာလောင်ဂွန်ကတော့ ညီမ၀မ်းကွဲသုံးယောက်ကို မိဖုရားမြှောက်ခဲ့ပြီး ကြင်ယာတော်စုစုပေါင်း ၉၂ယောက် ရှိခဲ့ပါတယ်။ အဲဒီ ကြင်ယာတော်တွေထဲက ၃၆ယောက်ကနေ သားသမီး စုစုပေါင်း ၇၇ယောက် ထွန်းကားခဲ့ပါတယ်။ မဟာဆီမဟာသွေးကိုမှ တန်ဖိုးထားတတ်တဲ့ အရှေ့တောင်အာရှဗုဒ္ဓဘာသာ နိုင်ငံတွေရဲ့ ထုံးစံအတိုင်း ဖအေတူမအေကွဲ မောင်နှမ၀မ်းကွဲချင်း လက်ဆက်ခဲ့ကြတဲ့အတွက် ထိုင်းတော်ဝင်မိသားစုရဲ့မျိုးရိုးမှာ သဘာဝချို့တဲ့မှုပြဿနာတွေ ဖြစ်ပေါ်လာခဲ့ပါတယ်။

လက်ရှိဘုရင်ဘူမိဘောရဲ့ ခမည်းတော် မင်းသား မဟီဒေါအဒူလျာဒက်ဟာ မဟာချူလာလောင်ဂွန်ဘုရင်ရဲ့ ညီမ၀မ်းကွဲဒုတိယမိဖုရားကနေ မွေးဖွားတဲ့သားဖြစ်ပါတယ်။ မောင်နှမချင်းလက်ဆက်တဲ့အတွက် ဖြစ်ပေါ်လာတဲ့ မျိုးဗီဇချို့တဲ့မှုကြောင့် မင်းသားမဟီဒေါဟာ ကျန်းမာရေးချို့တဲ့ပြီး ငယ်ငယ်ရွယ်ရွယ်နဲ့ ကွယ်လွန်သွားခဲ့ပါတယ်။ ဖခင်ဖြစ်သူ အမေရိကန်ပြည်ထောင်စု မက်ဆာချူးဆက်ပြည်နယ်က ဟားဗတ်တက္ကသိုလ်မှာ ဆေးပညာသွားသင်နေတဲ့အချိန်  ဘူမိဘောကို ဘော်စတွန်မြောက်ပိုင်း ကင်းဘရစ်မြို့က Mount Auburn ဆေးရုံမှာမွေးဖွားခဲ့ပါတယ်။ လက်ရှိအမေရိကန်ပြည်ထောင်စု တည်ဆဲဥပဒေအရ ဘုရင်ဘူမိဘောဟာ အမေရိကန်နိုင်ငံသားအဖြစ် ခံယူခွင့်ရှိသူတစ်ဦးလည်း ဖြစ်ပါတယ်။ ဘုရင်ဘူမိဘောရဲ့ မွေးချင်းတွေကတော့ အစ်မတော် ပဌာနကလျာဏီမင်းသမီးနဲ့ နောင်တော် အနန္ဒမဟီဒေါဘုရင်တို့ပဲ ဖြစ်ကြပါတယ်။ ဘူမိဘောတို့မောင်နှမသုံးယောက်ဟာ မိခင်ဖြစ်တဲ့ သာမန်အရပ်သူ တရုတ်ကပြား ဆန်ဂ်ဝါ (Princess Srinagarindra) ရဲ့ ထိန်းကြောင်းမှုအောက်မှာ ကြီးပြင်းခဲ့ရပါတယ်။


မင်းသားကြီး မဟီဒေါအဒူလျာဒက်နှင့် ကြင်ယာတော် ဆန်ဂ်ဝါ


ဘုရင်ဘူမိဘောမိသားစု ငယ်စဉ်ကပုံ

ဘူမိဘောရဲ့ဘိုးတော် ချူလာလောင်ဂွန်ဘုရင်လက်ထက်အထိ ထိုင်းနိုင်ငံရဲ့ အချုပ်အခြာအာဏာဟာ တော်ဝင်မိသားစုက အလုံးစုံထိန်းချုပ်မှု လက်အောက်မှာပဲ ရှိနေခဲ့တာပါ။ ခေတ်အဆက်ဆက်မှာ မင်းမျိုးမင်းနွယ်တွေဟာ နေပြည်တော်ကနေ နယ်စွန်နယ်ဖျားအထိ သူကောင်းပြုခံ ၀န်ကြီး၊ မှူးမတ်၊နယ်စားတွေအဖြစ် အုပ်ချုပ်ခွင့်ရရှိခဲ့ပါတယ်။ ခတ်ပညာတတ်တစ်ဦးဖြစ်တဲ့ ချူလာလောင်ဂွန်ဟာ ငယ်ငယ်ရွယ်ရွယ်နဲ့ဘုရင်ဖြစ်လာခဲ့ပေမယ့် သူ့နိုင်ငံကို လွှမ်းမိုးဖို့ကြိုးစားနေတဲ့ ကိုလိုနီနယ်ချဲ့ဝါဒီတွေကို လိမ္မာပါးနပ်စွာ ဆက်ဆံတဲ့အပြင် သူ့ကိုကြိုးကိုင်ဖို့ ကြိုးစားတဲ့ မှူးမတ်မျိုးရိုး Chuang Bunnag ကိုလည်း ကောင်းကောင်းကိုင်တွယ်နိုင်ခဲ့ပါတယ်။ Bunnag မိသားစုဟာ ပထမမြောက်ရာမဘုရင် လက်ထက်ကတည်းက အုပ်ချုပ်ရေးစနစ်မှာ သားစဉ်မြေးဆက်သြဇာရှိခဲ့တဲ့ ပါရှမ်းမျိုးနွယ် အရပ်သားသူကြွယ်တွေ ဖြစ်ကြပါတယ်။ နောက်ပိုင်းမှာ ချူလာလောင်ဂွန်ဟာ Bunnag မိသားစုဝင်တွေကို အုပ်ချုပ်ရေး၊စီးပွားရေး၊ တရားစီရင်ရေးအစရှိတဲ့ နယ်ပယ်တွေကနေ ဖယ်ရှားပြီး နိုင်ငံခြားမှာ ပညာသင်ကြားခိုင်းထားခဲ့တဲ့ သူ့ရဲ့ဖအေတူ မအေကွဲ ညီအစ်ကို မောင်နှမတွေကို အစားထိုးအမှုထမ်းစေခဲ့ပါတယ်။ ဒါ့အပြင် အရင်ဘုရင်တွေလက်ထက်မှာ မရှိခဲ့တဲ့ ဗျူရိုကရေစီအုပ်ချုပ်ရေးစနစ်ကို စတင်အကောင်အထည်ဖော်ပြီး အရပ်သားတွေကိုလည်း အရည်အချင်းအလိုက် နေရာပေးခဲ့ပါတယ်။ ရုပ်သေးဘုရင်အဖြစ်ကြိုးဆွဲခံရလိမ့်မယ်လို့ ရှုမြင်ခံခဲ့ရတဲ့ ချူလာလောင်ဂွန်ဘုရင်ဟာ နန်းတက်ပြီးမကြာခင်မှာပဲ တိုင်းပြည်ရဲ့ အထွတ်အထိပ်အာဏာကို ကိုင်စွဲနိုင်ခဲ့ပါတယ်။

Bunnag မိသားစုကနေစပြီး ခုခေတ်အထိ အရပ်သားနိုင်ငံရေးအုပ်စုတချို့ဟာ ထိုင်းတော်ဝင်မိသားစုရဲ့ အာဏာကို ထိန်းချုပ်ဖို့ နည်းလမ်းမျိုးစုံနဲ့ ကြိုးစားခဲ့ကြပါတယ်။ တော်ဝင်မိသားစုရဲ့ ပါဝါတည်မြဲမှုဟာ စည်းမျဉ်းခံဘုရင်စနစ်ကျင့်သုံးပြီးနောက်ပိုင်းမှာ  နိုင်ငံတော် သံဃာ့မဟာနာယက၊ အစိုးရနဲ့ တပ်မတော်စစ်သေနာပတိချုပ်တို့ရဲ့ ကြားထဲမှာ ထိန်းညှိနေရတယ်လို့ အကြမ်းဖျဉ်းပြောလို့ရပါတယ်။ ပြည်သူတွေကတော့ ခေတ်အဆက်ဆက် ဘုရင်ဆီမှာ သစ္စာခံခဲ့ကြပေမယ့် တခါတလေမှာ နန်းလျာရွေးချယ်တာမျိုး၊ နောက်ကွယ်ကနေ ဘုရင်ကိုကြိုးကိုင်ပြီး နိုင်ငံကိုအုပ်ချုပ်တာမျိုး၊ နန်းချတာမျိုးကျတော့ ၀င်စွက်ဖက်နိုင်စွမ်း မရှိပါဘူး။ အဲဒီကိစ္စမျိုးတွေကို အစဉ်အလာသြဇာကြီးတဲ့ အဲဒီပုဂ္ဂိုလ်တွေကပဲ လုပ်ဆောင်နိုင်တဲ့ အနေအထားမှာ ရှိခဲ့ဖူးပါတယ်။

အရပ်သားမှူးမတ်၊တပ်မတော်၊ ပြင်ပနိုင်ငံရေးအုပ်စုတချို့ရဲ့ တော်ဝင်မိသားစုအပေါ် ပါဝါပြိုင်အံတုတဲ့ဖြစ်ရပ်တွေထဲမှာ အထင်ရှားဆုံးကတော့ ၁၉၃၂ ခုနှစ် ဇွန်လ၂၄ရက်နေ့မှာ ကြည်းတပ်နဲ့ ရေတပ်က တော်ဝင်မိသားစုအပေါ် သစ္စာမခံလိုတဲ့ ခေတ်ပညာတတ်အရာရှိတချို့ဟာ ဟွာဟင်းနယ်က Klaikangworn နွေရာသီစံနန်းတော်မှာ အပန်းဖြေခရီးထွက်နေတဲ့ သတ္တမမြောက်ရာမဘုရင် ဖရာဂျာ့ဒိပေါက်ခ်ကို အာဏာသိမ်းပြီး ချုလာလောင်ဂွန်ခေတ်ကတည်းက အုပ်ချုပ်ရေးပါဝါကို သားစဉ်မြေးဆက် ချုပ်ကိုင်ထားတဲ့ မင်းမျိုးမင်းနွယ်တွေကို ဖယ်ရှားခဲ့တာပဲ ဖြစ်ပါတယ်။ အဲဒီနောက်ပိုင်းမှာတော့ ထိုင်းဘုရင်ဟာ အာဏာသိမ်းသူတွေဖွဲ့စည်းထားတဲ့ Khana Ratsadon(လူထုပါတီ)ရဲ့ အလိုကျ စည်းမျဉ်းခံဘုရင်စနစ်ကို လိုက်နာဖို့ သဘောတူခဲ့ရပါတယ်။

ဒီလိုမျိုးပုန်ကန်အာဏာသိမ်းရတဲ့ အခြေခံအကြောင်းရင်းတွေထဲမှာ အရေးပါတဲ့အချက်တစ်ခုကတော့ တိုင်းပြည်အုပ်ချုပ်ရေး ယန္တရားထဲမှာ ရွေးကောက်ခံစရာမလိုတဲ့ မင်းမျိုးမင်းနွယ်တွေ အစဉ်အဆက် နေရာယူထားတာကို မကျေနပ်တာကြောင့်လို့ ပြောလို့ရမယ် ထင်ပါတယ်။ နောက်တစ်ချက်က ချက္ကရီမင်းဆက်တည်ထောင်ကတည်းက ဆင်းသက်လာတဲ့ ထောင်နဲ့ချီတဲ့ မင်းသားမင်းသမီးတော်ဝင်အမျိုးအနွယ်တွေ၊ အခွင့်ထူးခံ သူကောင်းမျိုးဆက်တွေဟာ သူ့အဆင့်နဲ့သူ တိုင်းပြည်ရဲ့ဘဏ္ဍာနဲ့အာဏာကို အလွဲသုံးစားလုပ်နေတာကို မကျေနပ်လို့လည်း ဖြစ်နိုင်ပါတယ်။ မြေရှင်ပဒေသရာဇ်တော်လှန်ရေး အတွေးအခေါ်တွေ နိုင်ငံတကာကိုလွှမ်းမိုးလာတဲ့အချိန်မှာ အဲဒီအယူအဆတွေက သာမန်အရပ်သား ပညာတတ်တချို့ဆီမှာ စိမ့်ဝင်လာပြီး လူ့မလိုင်တော်ဝင်လူတန်းစားတွေ ဘာလုပ်လုပ် ခေါင်းငုံ့ဒူးတုပ်နာခံနေရတဲ့ဘ၀ကနေ ရုန်းထွက်ဖို့ ကြိုးစားတဲ့သဘောပါပဲ။ ဒီလိုအာဏာသိမ်းမှုရဲ့ဇစ်မြစ်ကို သုံးသပ်ကြည့်တဲ့အခါ တရားခံကတော့ အောက်စဖို့ဒ်တက္ကသိုလ်နဲ့ ဆင်းဟတ်ဒ်စစ်တက္ကသိုလ်ဆင်း ဆဌမမြောက်ရာမဘုရင် Vajiravudh ပဲဖြစ်ပါတယ်။


ဆဌမမြောက် ရာမဘုရင်

သူ့လက်ထက်မှာ ဘုရင်ကို ပြည်သူတွေက ဘုရားတစ်ဆူဂူတစ်လုံးသဘောမျိုး ကိုးကွယ်လာအောင် ပုံစံသွင်းနိုင်ခဲ့ပါတယ်။ ပညာတတ်နည်းပါးတဲ့ သာမန်ပြည်သူတွေအတွက် နိုင်ငံတ၀ှမ်း ပညာရေးမြှင့်တင်မှု၊ ဘဏ်စနစ်တွေကို တည်ထောင်ခဲ့ပြီး အုပ်ချုပ်ရေးစနစ်နဲ့ တပ်မတော်ကိုလည်း အဆင့်မြှင့်ပေးခဲ့ပါတယ်။ ဘေးထွက်ဆိုးကျိုးကတော့ သူစနစ်တကျမြှင့်တင်ပေးခဲ့တဲ့ တပ်မတော်ထဲက အရာရှိတချို့ကပဲ သူ့ကိုပုန်ကန်ဖို့ ကြံစည်ခဲ့သလို သူနတ်ရွာစံပြီးနောက်ပိုင်းမှာ သူ့ကိုဆက်ခံတဲ့ ညီတော် သတ္တမမြောက် ရာမဘုရင်လက်ထက်မှာ စိတ်ထင်ရာလျှောက်လုပ်ပြီး မင်းဆွေမင်းမျိုးတွေကို အရည်အချင်းမရှိပဲ ရာထူးဌတ္တရတွေ ပေးလို့ မကျေနပ်တဲ့လူတွေက အာဏာသိမ်းပြီး ချုပ်ကိုင်ခဲ့တာပါ။ ဆဌမမြောက်ရာမဘုရင်ဟာ သီးသန့်နေတတ်ပြီး လိင်တူစိတ်ဝင်စားသူဖြစ်တယ်လို့ အနောက်တိုင်းသမိုင်းဆရာတွေက မှတ်တမ်းတင်ခဲ့ပါတယ်။ သူ့အရင်ကဘုရင်တွေလို မင်းဆွေမင်းမျိုးချင်း လက်ဆက်တာမျိုးမရှိပဲ သာမန်အရပ်သားမိဖုရားလေးယောက်သာရှိတဲ့ ရာမ -၆ ဘုရင်ဟာ မိဖုရားတွေနဲ့အတူနေတာမျိုး သိပ်မရှိပဲ သူနဲ့လိုင်းတူ အရပ်သားလူငယ်တွေနဲ့ အချိန်ဖြုန်းနေတတ်တယ်လို့ သိရပါတယ်။ အဲဒီအရပ်သားမိဖုရားလေးယောက်ထဲက တစ်ယောက်ကနေ သူနတ်ရွာစံဖို့ ရက်ပိုင်းအလိုမှာ သမီးတော်တစ်ပါး ထွန်းကားခဲ့တာကလွဲလို့ တခြားနန်းလျာတစ်ပါးမှ မထွန်းကားခဲ့ပါဘူး။

အာဏာသိမ်းခံရပြီး နောက်ပိုင်းမှာ သတ္တမမြောက်ရာမဘုရင် ဖရာဂျာ့ဒိပေါက်ခ်ဟာ အစိုးရရဲ့ သဘောတူညီချက်မပါပဲ အရင်လို အရာရာကို ဆုံးဖြတ်ပိုင်ခွင့်မရှိတော့ပါဘူး။  အစိုးရထဲမှာ မင်းမျိုးမင်းနွယ်တချို့ကို ထည့်သွင်းခန့်အပ်ထားပေမယ့် အခြေခံဥပဒေကိုရေးဆွဲတဲ့ နိုင်ငံတော်ကောင်စီဝင်အများစုကတော့ အာဏာသိမ်းခဲ့တဲ့ တော်လှန်ရေးခေါင်းဆောင်တွေ ဖြစ်ကြပါတယ်။ အဲဒီလိုနဲ့ ဖရာဂျာ့ဒိပေါက်ခ်နဲ့ အာဏာသိမ်းအစိုးရကြားမှာ အာဏာလွန်ဆွဲမှုပြင်းထန်လာတဲ့အချိန်မှာ ဘုရင့်ဘက်တော်သား တပ်မတော်စစ်ဦးစီးချုပ်တစ်ဦးဖြစ်တဲ့ မင်းသား Bororadej ခေါင်းဆောင်တဲ့ Royalist တပ်မတော်သားတွေက အာဏာသိမ်းအစိုးရရဲ့ ဘတ်ဂျက်ဖြတ်တောက်မှုကို မကျေနပ်လို့ ပုန်ကန်ရာကနေ ပြည်တွင်းစစ်ဖြစ်ပွားခဲ့ပါတယ်။ အဲဒီပုန်ကန်မှုကို ဘုရင်ကနောက်ကွယ်ကနေ ကြိုးကိုင်ခဲ့တယ်လို့ အစိုးရကစွပ်စွဲတဲ့အတွက် ဘုရင်ဟာ ဗြိတိသျှပိုင် မလေးကျွန်းဆွယ်မှာ ခိုလှုံရတဲ့အဆင့်ထိရောက်သွားခဲ့ပါတယ်။ အဲဒီကနေ အင်္ဂလန်ကို ထွက်သွားခဲ့ရတဲ့အထိ တော်ဝင်မိသားစုရဲ့ အနေအထားဆိုးရွားလာခဲ့ပါတယ်။ တဖက်မှာ တော်ဝင်မိသားစုကို ထောက်ခံတဲ့ သာသနာပိုင် သမ္မာရွတ်(ဓမ္မယုတ္တိကနိကာယ)ဂိုဏ်းနဲ့  မဟာနိကာယဂိုဏ်းတို့ရဲ့ အကွဲအပြဲကလည်း ပြင်းထန်လာခဲ့ပါတယ်။ ဘုရင့်ဘက်တော်သားတွေနဲ့ အစိုးရစစ်တပ်အကြား အပြင်းအထန်တိုက်ပွဲတွေဖြစ်ခဲ့ပြီးတော့ ဗန်ကောက်မြို့ကို ဗုံးကြဲတဲ့အဆင့်ထိရောက်သွားခဲ့ပါတယ်။ ဒါပေမယ့် အာဏာသိမ်းအစိုးရရဲ့ တပ်မတော်ခေါင်းဆောင် ဖီးလ်မာရှယ် ဖီဘန်ဆုန်ခရမ်က ပုန်ကန်သူတွေကို အနိုင်ရရှိခဲ့ပါတယ်။ ဒီအောင်ပွဲဟာ မကြာခင်မှာ စစ်အာဏာရှင်ဖြစ်လာမယ့် ဗိုလ်ချုပ်ကြီးဆုန်ခရမ်ရဲ့ ပွဲဦးထွက်အောင်ပွဲတစ်ခုလည်း ဖြစ်ပါတယ်။ အဲဒီကတည်းက ဘုရင့်သစ္စာခံနဲ့ ပြည်သူ့ဘက်တော်သားတွေကြားက ခုချိန်ထိ ပြန်စေ့စပ်လို့မရတဲ့ ရှပ်နီရှပ်ဝါအကွဲအပြဲဟာ စတင်ခဲ့တယ်လို့ ပြောလို့ရပါတယ်။ နောက်ဆုံးမှာတော့ ပြည်ပမှာ ကျန်းမာရေးယိုယွင်းလာတဲ့ ဖရာဂျာ့ဒိပေါက်ခ်ဟာ ထီးနန်းစွန့်ရမယ့် အခြေအနေကို ဆိုက်ရောက်လာခဲ့ပါတော့တယ်။


သတ္တမမြောက် ရာမဘုရင် ဖရာဂျာ့ဒိပေါက်ခ်

ဖရာဂျာ့ဒိပေါက်ခ်မှာ ထီးနန်းဆက်ခံမယ့် သားတော်မရှိလို့ သူ့ရဲ့ညီအစ်ကိုတွေဖြစ်တဲ့ နန်းမတက်ရသေးတဲ့ မဟာချူလာလောင်ဂွန်ရဲ့ လက်ကျန်သားတော်တွေထဲကနေ ရွေးဖို့ဖြစ်လာပါတယ်။ ဒါပေမယ့် မဟာချူလာလောင်ဂွန်နဲ့ သူ့ရဲ့ ညီမ၀မ်းကွဲ အဓိကမိဖုရားတွေကနေ မွေးဖွားလာတဲ့ မဟာဆီမဟာသွေး မင်းသားတွေဟာ မျိုးရိုးချို့တဲ့မှု ပြဿနာကြောင့် ငယ်ငယ်ရွယ်ရွယ်နဲ့ နတ်ရွာစံကုန်ကြပါပြီ။ ဖရာဂျာ့ဒိပေါက်ခ်ကိုယ်တိုင် သက်တော် ၄၇နှစ်မှာ နတ်ရွာစံပြီး သူ့ထက်အရင် နန်းစံခဲ့တဲ့ သူ့အစ်ကို ဆဌမမြောက်ရာမဘုရင်ဟာလည်း သက်တော် ၄၅နှစ်မှာ နတ်ရွာစံသွားခဲ့တာပါ။ ထီးနန်းဆက်ခံဖို့ မင်းသွေးစစ်စစ် ညီအစ်ကိုမင်းသားတွေ မရှိတော့တဲ့အတွက် အဲဒီမင်းသားတွေဆီကနေ မွေးဖွားလာတဲ့ သားတော်တွေထဲကနေ ထီးညွှန့်နန်းလျာ ရွေးချယ်ဖို့ ဖြစ်လာခဲ့ပါတယ်။ အင်္ဂလန်မှာခိုလှုံနေတဲ့ ဖရာဂျာ့ဒိပေါက်ခ်ဟာ အဲဒီရွေးချယ်ရေးတာဝန်ကို အာဏာရအစိုးရဆီ ပုံချလိုက်ပါတယ်။ အာဏာရအစိုးရထဲက အရပ်သားခေါင်းဆောင်တွေဟာ ဒီကိစ္စကို ဘယ်လိုဖြေရှင်းရမှန်း မသိတဲ့အတွက် အဲဒီတာဝန်ကို အစိုးရထဲက မင်းမျိုးမင်းနွယ်တွေကပဲ တာဝန်ယူခဲ့ပါတယ်။
နန်းလျာဆက်ခံဖို့ အရည်အချင်းပြည့်မှီတဲ့ မင်းသားငယ်တွေထဲကနေ ဘုရင်ဖရာဂျာ့ဒိပေါက်ခ်ရဲ့ နောင်တော် မဟီဒေါအဒူလျာဒက်ရဲ့သား လက်ရှိဘုရင် ဘူမိဘောရဲ့ နောင်တော် အနန္ဒမဟီဒေါကို နန်းလျာအဖြစ် ရွေးချယ်လိုက်ပါတယ်။ ၀ါစဉ်အရ အနန္ဒမင်းသားရဲ့ ခမည်းတော် မဟီဒေါထက် ပိုကြီးတဲ့ ကွယ်လွန်သူ နောင်တော်မင်းသား Chutadhaj မှာ သားတော်တစ်ပါးရှိပေမယ့် အဲဒီသားတော်ရဲ့ မိခင်ဖြစ်သူဟာ သာမန်အရပ်သားဖြစ်ပြီး တော်ဝင်မိသားစုက အသိအမှတ်မပြုခဲ့တဲ့အတွက် တော်ဝင်မိသားစုကနေ အသိအမှတ်ပြုခံထားရတဲ့ ဆန်ဂ်ဝါမင်းသမီးနဲ့ ကွယ်လွန်သူ မင်းသားမဟီဒေါတို့ရဲ့ သားကြီး အနန္ဒမဟီဒေါကို ဘုရင်အဖြစ်တင်မြှောက်ဖို့ ရွေးချယ်လိုက်တာ ဖြစ်ပါတယ်။ အဲဒီရွေးချယ်မှုမှာ အဓိကကျသူကတော့ ဆန်ဂ်ဝါမင်းသမီးရဲ့ ယောက္ခမ၊ မင်းသားမဟီဒေါရဲ့မယ်တော်၊ မောင်းဂွတ်ဘုရင်ရဲ့ သမီးတော်၊ မဟာချူလာလောင်ဂွန်ဘုရင်ရဲ့ ဖအေတူမအေကွဲ ညီမ၀မ်းကွဲနဲ့ တတိယမိဖုရား ဆာဝန်ပဓာနာ့ပဲ ဖြစ်ပါတယ်။


မိဖုရားကြီး ဆာဝန်ပဓာနာ့နှင့် မြေးတော်မင်းသားနှစ်ပါး (၁၉၃၈ခုနှစ်)

ဘွားတော်ကြီးက သူ့ချွေးမဆန်ဂ်ဝါဟာ ထီးညွှန့်နန်းလျာဖြစ်လာမယ့် သူ့မြေးနှစ်ပါးကို အကောင်းဆုံးထိန်းကျောင်းနိုင်လိမ့်မယ်လို့ အပြည့်အ၀ယုံကြည်ထားပါတယ်။ မယ်တော်ကြီးရဲ့သြဇာကြောင့် တော်ဝင်အသိုင်းအ၀ိုင်းတစ်ခုလုံးရဲ့ ထောက်ခံမှုကို ရရှိခဲ့ပြီး နန်းတော်ဓလေ့ထုံးစံတွေနဲ့ အကျွမ်းတ၀င်မရှိတဲ့ အရပ်သားအစိုးရခေါင်းဆောင်တွေကတော့ မင်းသားလေးတွေထဲက ဘယ်သူပဲတက်လာလာ သူတို့ကြိုးကိုင်လို့ရမယ့်ဘုရင်ဖြစ်လာမယ်လို့ ကြိုတွက်ပြီး စောဒကတက်မယ့်လူ မရှိခဲ့ပါဘူး။ အဲလိုနဲ့ ၁၉၃၅ အမျိုးသားညီလာခံကနေ အနန္ဒမဟီဒေါကို ဘုရင်အဖြစ် တညီတညွတ်တည်း ရွေးကောက်တင်မြှောက်လိုက်ကြပါတယ်။



အနန္ဒမဟီဒေါ(အဌမမြောက်ရာမဘုရင်)

ထိုင်းဘုရင်ဖြစ်လာပေမယ့် အနန္ဒမဟီဒေါဟာ ဆွစ်ဇာလန်မှာကျောင်းတက်နေတဲ့ ကိုးနှစ်အရွယ်လူမမယ်လေးပဲ ရှိပါသေးတယ်။ ချက္ကရီမင်းဆက်ရဲ့ မျိုးရိုးချို့တဲ့မှုပြဿနာကြောင့် အနန္ဒမဟီဒေါဟာလည်း ငယ်စဉ်ကတည်းက ကျန်းမာရေးချူချာခဲ့ပါတယ်။ အနန္ဒမဟီဒေါ ဘုရင်အဖြစ် ရွေးချယ်တင်မြှောက်ခံရပြီး သုံးနှစ်အကြာ ၁၉၃၈ခုနှစ်မှာ ထိုင်းနိုင်ငံဟာ ဗိုလ်ချုပ်ကြီးဖီဘန်ဆုန်ခရမ်ရဲ့ စစ်အာဏာရှင်အုပ်ချုပ်ရေး လက်အောက်ကို သက်ဆင်းခဲ့ရပါတယ်။ ဆုန်ခရမ်ဟာ စစ်ဗိုလ်ဘ၀ကနေ ပြင်သစ်ဧကရာဇ်ဖြစ်လာသူ နပိုလီယန်ကို အထူးလေးစားအားကျသူ တစ်ဦးဖြစ်ပါတယ်။ ဆုန်ခရမ်က အနန္ဒမဟီဒေါကို ရုပ်သေးဘုရင်အဖြစ်ထားပြီး ထိုင်းနိုင်ငံစိတ်ကြိုက်ခြယ်လှယ် အုပ်စိုးဖို့ စိတ်ကူးထားပါတယ်။ ဆုန်ခရမ်ဟာ ထိုင်းနိုင်ငံကို မူလနာမည် Siam ကနေ လက်ရှိသုံးစွဲနေတဲ့ Thailand နာမည်ကိုပြောင်းလဲခဲ့သူလည်း ဖြစ်ပါတယ်။


ဖီးလ်မာရှယ် ဖီဘန်ဆုန်ခရမ်

ဆုန်ခရမ်ဟာ ဖက်ဆစ်ဂျပန်တွေနဲ့ မဟာမိတ်ပြုပြီး ဂရိတ်ဗြိတိန်နဲ့ အမေရိကန်ကို စစ်ကြေငြာတဲ့အတွက် သူနဲ့တော်လှန်ရေးကာလတလျှောက် လက်တွဲခဲ့တဲ့ နိုင်ငံရေးခေါင်းဆောင်  Pridi Phanomyong နဲ့ လမ်းခွဲခဲ့ရပါတယ်။ Pridi ဟာ ထိုင်းနိုင်ငံရဲ့ ဂုဏ်ထူးဆောင် နိုင်ငံရေးသမားတစ်ဦးဖြစ်ပြီး ဘုရင်အနန္ဒမဟီဒေါ ဆွစ်ဇာလန်မှာရှိနေတဲ့အချိန်မှာ ဘုရင့်ကိုယ်စားလှယ်တော်တစ်ဦးအဖြစ် တာဝန်ယူခဲ့သူဖြစ်ပါတယ်။ ဒါပေမယ့် တိုင်းပြည်ရဲ့အချုပ်အခြာအာဏာက စစ်အာဏာရှင် ၀န်ကြီးချုပ်ဆုန်ခရမ်လက်ထဲမှာပဲရှိပါတယ်။ ဂျပန်နဲ့မဟာမိတ်ပြုတာကို အသိအမှတ်ပြုတဲ့စာချုပ်မှာ လက်မှတ်ထိုးဖို့ ငြင်းဆန်တဲ့ Pridi ကို ဆုန်ခရမ်က ဘုရင့်ကိုယ်စားလှယ်အဖြစ်ကနေ ဖယ်ရှားခဲ့ပါတယ်။ အဲဒါကြောင့် Pridi ဟာ ဂျပန်ဆန့်ကျင်ရေး မြေအောက်လှုပ်ရှားမှုကွန်ယက် (Seri Thai Network) ကို လျှို့ဝှက်တည်ထောင်ခဲ့ပါတယ်။ ဆုန်ခရမ်ရဲ့ စစ်အာဏာရှင်စနစ်လက်အောက်မှာ မင်းညီမင်းသားတွေနဲ့ တော်ဝင်မိသားစုရဲ့ ဘက်တော်သားတွေ တော်တော်များများ ကွပ်မျက်ခံခဲ့ရပါတယ်။ ဒုတိယကမ္ဘာစစ်အတွင်းမှာ ဂျပန်ကျူးကျော်မှုကြောင့် ထိုင်းနိုင်ငံတ၀ှန်း ဂျပန်ဆန့်ကျင်ရေး လှုပ်ရှားမှုတွေ ပြင်းထန်လာတဲ့အချိန်မှာ ဂျပန်နဲ့မဟာမိတ်လုပ်ခဲ့တဲ့ ဆုန်ခရမ်ဟာ တိုင်းပြည်မှာ လူမုန်းများလာပြီး ၀န်ကြီးချုပ်အဖြစ်ကနေ ဖမ်းဆီးဖယ်ရှား ခံလိုက်ရပါတယ်။ ဒုတိယကမ္ဘာစစ်ပြီးစအချိန် ဘုရင်အနန္ဒမဟီဒေါရဲ့ ထိုင်းနိုင်ငံ အလည်အပတ်ခရီးစဉ်အတွင်းမှာ Pridi ကို ပါလီမန်ကနေ ဘုရင့်ကိုယ်စားလှယ်တော်အဖြစ် ပြန်လည်တင်မြှောက်ခဲ့ပါတယ်။ စစ်အာဏာရှင်စနစ်ချုပ်ငြိမ်းပြီး စည်းမျဉ်းခံဘုရင်စနစ်အောက်မှာ တိုးတက်တဲ့ ပါလီမန် ဒီမိုကရေစီနိုင်ငံတော်ကို ထူထောင်ဖို့ ကြိုးစားနေတဲ့ အချိန်အတောအတွင်းမှာပဲ ၁၉၄၆ခုနှစ် ဇွန်လ ၉ရက်နေ့မှာ အသက်၂၀အရွယ် ဘုရင်လေးဟာ သူ့အိပ်ယာပေါ်မှာ ဦးခေါင်းသေနတ်ဒဏ်ရာနဲ့ နတ်ရွာစံသွားခဲ့ပါတော့တယ်။



အပိုင်း(၂) အား စောင့်မျှော်ဖတ်ရှုပါရန်


မြတ်သိန်းထွန်း(ဘွရှင်)

၂၁.၁.၂၀၁၄
နယူးယောက်စံတော်ချိန် ည ၁နာရီ ၅၇မိနစ်

1 comment:

  1. လိုရင်းကို ခြုံငုံမိတဲ့ အချက်အလက်ပြည့်စုံတဲ့ ဆောင်းပါးတပုဒ်မို့ ဖတ်ခွင့်ရတဲ့အတွက် ကျေးဇူးတင်ရပါတယ်။ ကိုမြတ်သိန်းထွန်းခင်ဗျာ ။။

    ReplyDelete