ခေါင်းစဉ်ကတော့ ဆွဲဆောင်မှု တစ်စက်မှကို မရှိပါဘူး။ ဒါပေမယ့် အထဲမှာ တတ်သလောက်၊မှတ်သလောက် အနှစ်တွေထည့်ပေးထားပါတယ်။ သူများဆီမှာ သောက်ညင်အကပ်မခံရရင် စားမ၀င်၊အိပ်မပျော်တတ်တဲ့လူမျိုးဆိုတော့ခါ ဒီထက်ပိုကောင်းတဲ့ခေါင်းစဉ်ကို အုန်းစားခံပြီး မစဉ်းစားတော့ပါဘူး။ သည်းညည်းခံပြီး ဆက်ဖတ်တော်မူကြပါ။
တစ်ကိုယ်ရေ တစ်ကာယအတွက်တောင်မှ ကိုယ့်နိုင်ငံအတွင်းမှာ လုပ်ကိုင်စားသောက်လို့ အဆင်မပြေတဲ့အခါ မသွားချင်သွားချင်နဲ့ နိုင်ငံခြားဆိုတာကြီးကို လွန်ခဲ့တဲ့နှစ်အနည်းငယ်ကာလတုန်းက ကျွန်တော်ထွက်လာခဲ့ရပါတယ်။ အဆင်မပြေတဲ့ဘ၀ရဲ့ သိမ်ငယ်မှုတွေကို နိုင်ငံခြားထိ ခရီးဆောင်အိတ်ထဲခေါက်ထည့်ယူခဲ့ရတယ် ဆိုပါစို့။ သူများနိုင်ငံလေဆိပ်ရဲ့ လ၀ကကောင်တာက တာဝန်ကျဝန်ထမ်းက ကျွန်တော့်ရဲ့ ပတ်စပို့အနီရောင်လေးကို အခေါက်ခေါက်အခါခါ စစ်ဆေးရင်း သူ့နိုင်ငံထဲဝင်မယ့် ကျွန်တော့်ကို သိမ်ငယ်မှုတွေ ဆယ်ကီလိုစာလောက် ထပ်ထည့်ပေးလိုက်ပါတယ်။