လူ့အခွင့်အရေးနှင့် အမျိုးသားရေး (သရော်စာ)

လူ့ အခွင့်အရေးကို ဦးစားပေးသင့်သလား၊ အမျိုးသားရေးကို ဦးစားပေးသင့်သလား

ဒီရက်ပိုင်း အင်တာနက်သုံးတိုင်း တွေ့နေရတဲ့ post တွေကြောင့် ခေါင်းထဲမှာ မေးခွန်းတစ်ခု အလိုလို ရောက်လာပါတယ်။ ကိုယ်တွေးတဲ့မေးခွန်းကို ကိုယ့်ဘာသာကိုယ် ပြီးပြည့်စုံအောင် ဖြေနိုင်ဖို့ လုံလောက်တဲ့ ဗဟုသုတကလည်း မရှိလေတော့ ခုရေးနေတဲ့ အချိန်ထိလည်း တွေးနေဆဲပါပဲ။ နှစ်ပေါင်းနှစ်ဆယ်ကျော် သုံးဆယ်နီးပါးကာလကို ဖြတ်သန်းပြီးတဲ့အထိ လူ့အခွင့်အရေးဆိုတဲ့ အသံတွေကို နားမဆန့်အောင် ကြားဖူးခဲ့သလို အမျိုးသားရေးဆိုတဲ့ ဟာတွေကိုလည်း ဦးနှောက်နဲ့ မဆန့်အောင် သင်ကြားမှတ်သားခဲ့ရပါတယ်။ အဲဒီနေရာမှာ အမျိုးသားရေးဆိုတဲ့ စကားလုံးကို အများဆုံး သုံးခဲ့တာက ကျွန်တော့်တစ်သက်နီးပါး ခုချိန်ထိ လူချစ်လူခင် အင်မတန်ပေါတဲ့ အာဏာပိုင် အဖွဲ့အစည်း ယူနီဖောင်း ၀တ်/ချွတ်တွေ ဖြစ်ကြပြီး လူ့အခွင့်အရေးဆိုတဲ့ စကားလုံးကို  မြစ်ဆိပ်မှာ အ၀တ်လျှော်သလို ပေါပေါများများ သုံးစွဲတတ်တာက ပြည်တွင်းပြည်ပ အတိုက်အခံ နိုင်ငံရေးသမားများနဲ့ နိုင်ငံခြားအခြေစိုက် မြန်မာဘာသာနဲ့ ထုတ်လွှင့်တဲ့ မီဒီယာတွေ ဖြစ်ကြပါတယ်။

၂၁ ရာစု သိဒ္ဓထ္ထ ကုမာရ

၂၁ ရာစု သိဒ္ဓထ္ထကုမာရ

 

ဘုရားလောင်းမဟုတ်ပါ။ သို့သော် သူ့တွင် ကြီးမားသော ရည်မှန်းချက်တစ်ခုရှိနေမည်မှာ သေချာသည်။ ဗုဒ္ဓဘာသာ၏အလိုအရ ရှေးဘ၀က ကြီးမားသော ကုသိုလ်ကံပါရမီတို့ကို သူ၏လက်ရှိဘ၀တွင် ပိုင်ဆိုင်ခွင့်ရခဲ့သည်။ သို့သော် အဆိုပါကံအကျိုးတရားတို့သည် သူ့ကို ရောင့်ရဲတင်းတိမ်နှစ်သိမ့်ခြင်း မဖြစ်စေခဲ့ပေ။ သူ၏ အန္တိမရည်မှန်းချက်သည် ကမ္ဘာကျော် Forbes မဂ္ဂဇင်း၏ သန်းကြွယ်သူဌေးများ စာရင်းတွင် ပါရှိရန်မဟုတ်၊ ဇိမ်ခံရိုးရွိုက်လ်ကား၊ရွက်လှေများ ပိုင်ဆိုင်ရန်မဟုတ်၊ ဖာရာရီပြိုင်ကားစီး၍ မိန်းမလှလေးများကို ထည်လဲတွဲရန်မဟုတ်၊ သွားလေရာသို့ ကိုယ်ရံတော် သက်တော်စောင့်များ ခြံရံ၍ တခမ်းတနားနေထိုင်ရန်မဟုတ်၊ ကမ္ဘာ့နိုင်ငံရေးသမားများကို မိမိ၏စီးပွားရေး အင်ပါယာအတွက် ကြိုးဆွဲအသုံးချနိုင်ရန်မဟုတ်ပေ။

မြန်မာပြည်၏ လက်ရှိအပြောင်းအလဲနှင့်ပတ်သက်၍ ၀ါရင့် သံတမန်ဟောင်းတစ်ဦး၏ အမြင်

မနှစ်က မြန်မာ့နိုင်ငံရေးအပြောင်းအလဲရဲ့ အရုဏ်ဦးကာလမှာ ပထမဦးဆုံး ဘာသာပြန်ခဲ့တဲ့ သတင်းစာဆောင်းပါးတစ်ပုဒ် ဖြစ်ပါတယ်။ မူရင်းစာရေးသူရဲ့ အဲဒီတုန်းကအမြင်ကို မျက်မှောက်ခေတ် မြန်မာ့နိုင်ငံရေး အခင်းအကျင်းနဲ့ နှိုင်းယှဉ်ဆန်းစစ်လေ့လာနိုင်ဖို့ ရည်စူးပြီး ပြန်လည်မျှဝေလိုက်ပါတယ်။

ပြီးခဲ့တဲ့ ရက်သတ္တပတ်ကာလတုန်းက အမေရိကန်ပြည်ထောင်စုဟာ နိုင်ငံခြားရေးဝန်ကြီး ဟီလာရီကလင်တန်ရဲ့ ချစ်ကြည်ရေး အလည်အပတ် ခရီးစဉ်နှင့်အတူ မြန်မာနိုင်ငံနဲ့ ဆက်ဆံရေးစာမျက်နှာ အသစ်တစ်ရပ် ဖွင့်လှစ်ခဲ့ပါတယ်။ သူမရဲ့ခရီးစဉ် အတောအတွင်းမှာ မြန်မာနိုင်ငံရဲ့  ဒီမိုကရေစီပြောင်းလဲမှု ဖြစ်စဉ်တွေနဲ့ ပတ်သက်ပြီး တိုက်တွန်းအားပေးရန်ဆိုတဲ့ ရည်ရွယ်ချက်နဲ့အတူ ဒေသတွင်းသြဇာလွှမ်းမိုးမှုအတွက် အဓိကပြိုင်ဘက်ဖြစ်တဲ့ တရုတ်ပြည်သူ့သမ္မတနိုင်ငံအတွက် အန္တရာယ်ရှိတဲ့ နေရာဝင်ယူမှုကိုပါ တပါတည်းဆောင်ကြဉ်း လာခဲ့တယ်ဆိုရင်လည်း မမှားပါဘူး။

ရင်သပ်ရှုမောဖွယ် Hang Son Doong လှိုဏ်ဂူတွင်းရှိ ဒဏ္ဍာရီဆန်သော သဘာဝအလှများ

ရင်သပ်ရှုမောဖွယ် Hang Son Doong လှိုဏ်ဂူတွင်းရှိ ဒဏ္ဍာရီဆန်သော သဘာဝအလှများ

လွန်ခဲ့တဲ့ ဆယ်စုနှစ် ၂ နှစ်ကျော်ခန့်က Ho Khanh ဆိုသူဟာ ဗီယက်နမ်တောနက်ကြီးတစ်ခုအတွင်းမှာ လမ်းပျောက်ပြီး မိုးခိုနားနေဖို့ နေရာလိုက်ရှာတဲ့အချိန်မှာ မထင်မှတ်ပဲ အထဲမှာ မြစ်တစ်စင်းဖြတ်သန်းစီးဆင်းနေတဲ့ ဧရာမလှိုဏ်ဂူကြီးတစ်ခုရဲ့ အ၀င်ဝကို သွားတွေ့ခဲ့ပါတယ်။ သူ့ကို VietNamNet(tinyurl.com/7fb53xj) က အင်တာဗျူးတဲ့အချိန်မှာ သူအိမ်ပြန်ရောက်ပြီး နောက်တစ်ကြိမ်ထပ်သွားရှာခဲ့ပေမယ့် တောတောင်ထူထပ်လွန်းလို့ အဲဒီလှိုဏ်ဂူကို ဘယ်လိုမှ ထပ်ရှာလို့ မတွေ့ခဲ့ဘူးလို့ ပြောသွားပါတယ်။

နွားကျောင်းသားတို့ အိမ်ပြန်ချိန်

 

ပုဇွန်ဆီ
ရောင်နီအိုကလွှမ်း
နေရီရီ ဆည်းဆာသန်းတော့
လယ်စခန်းဆီက အပြန်

မဏိမေခလာ စောင့်သည့်ကြိုး အပိုင်း(၁)

မဏိမေခလာ စောင့်သည့်ကြိုး အပိုင်း(၁)

ကျွန်တော်တို့ အားလုံးဟာ လမ်းမတွေပေါ်မှာ ကေဘယ်ကြိုးတွေမြှုပ်ဖို့  မြောင်းတွေတူး၊မြေတွေဖို့ နေကြတာကို ရင်းရင်းနှီးနှီးမြင်ဖူးကြတဲ့လူတွေ ဖြစ်ကြမယ်လို့ ထင်ပါတယ်။ ဒါပေမယ့် ကျွန်တော်အားလုံးထဲမှာ မြစ်တွေနဲ့ ပင်လယ်သမုဒ္ဓရာတွေကိုဖြတ်ပြီး ကေဘယ်လ်ကြိုးတွေကို ဘယ်လိုမြှုပ်တယ်ဆိုတာ မြင်ဖူးတွေ့ ဖူးတဲ့လူများ ရှိပါသလား။မရှိသလောက် နည်းမယ်လို့ ထင်ပါတယ်။ ဘာဖြစ်လို့ လဲဆိုတော့ ဒီလိုမျိုး ပင်လယ်ထဲမှာ ကေဘယ်ကြိုးတွေရေချပြီး မြှုပ်တဲ့နေရာက ပင်လယ်ကူးသင်္ဘောတွေဖြတ်သွားဖြတ်လာ ကျောက်ချတတ်တဲ့နေရာမျိုးနဲ့  ငါးဖမ်းကွက်တွေကို ရှောင်ကွင်းပြီး အထိအခိုက်မရှိနိုင်တဲ့ သီးသန့် နေရာမျိုးမှာ လုပ်ကိုင်ရတာကြောင့်ဖြစ်ပါတယ်။တကယ်လို့  အဲဒီကေဘယ်ချမယ့် ရေလက်ကြားဟာ သင်္ဘောလမ်းကြောင်း ဒါမှမဟုတ် ငါးဖမ်းကွက်ဖြစ်နေရင် လှေသင်္ဘောတွေ မောင်းနှင်သွားလာမှုကြောင့် ထိခိုက်တာကိုရှောင်ရှားနိုင်ဖို့ ရေအောက်ကြမ်းပြင်ကို နက်နက်တူးပြီး ကေဘယ်တွေကို မြှုပ်ရတာမျိုးလည်း ရှိတတ်ပါတယ်။

မဏိမေခလာစောင့်သည့်ကြိုး အပိုင်း(၂)

မဏိမေခလာစောင့်သည့်ကြိုး အပိုင်း(၂)

အပိုင်း(၁)မှာ ရေအောက်ကေဘယ်ကြိုးတွေရဲ့  ကမ္ဘာ့ဆက်သွယ်ရေးစနစ်အပေါ် အကျိုးပြုပုံနဲ့ ဒီကေဘယ်တွေကိုတပ်ဆင်တဲ့နေရာမှာ ဘယ်လိုအခက်အခဲတွေရှိနေတယ်ဆိုတာနဲ့ ပတ်သက်ပြီး အချက်အလက်အချို့ ကို တင်ပြခဲ့ပြီးဖြစ်ပါတယ်။ ဒါပေမယ့် ဘာသာပြန်သူတစ်ယောက်အနေနဲ့  ကျွန်တော့်ရဲ့ အတွေ့ အကြုံအရ ၀င်ပြောရမယ်ဆိုရင် ဒီကေဘယ်ကြိုးတွေဟာ အကြောင်းအမျိုးမျိုးကြောင့် ဥပမာ ငလျင်လှုပ်တာမျိုးတွေကြောင့် ထိခိုက်ပျက်စီးနိုင်ပေမယ့် ကျွန်တော်ရောက်ဖူးတဲ့တိုင်းပြည်တွေထဲမှာ မြန်မာပြည်မှာလို နိုင်ငံရေးအခြေအနေရုတ်ရုတ်သဲသဲဖြစ်တာကြောင့် အင်တာနက်လိုင်းတွေကို သွားထိခိုက်တာမျိုးတော့ တစ်ခါမှမကြုံဖူးပါဘူး။ စမ္ပာနဂိုရ်ကနွားမပေါင်ကျိုးလို့  ညောင်ဦးကမ်းပါးပြိုရတယ်ဆိုတာမျိုးသာ ဆက်စပ်မှုတကယ်ရှိမယ်ဆိုရင် လမ်းပေါ်မှာ ဘုန်းကြီးတွေမေတ္တာသုတ်ရွတ်တဲ့ အသံလှိုင်းရိုက်ခတ်လို့  ပင်လယ်ထဲက ကေဘယ်တွေတစ်ချောင်းချင်း ထောင်းခနဲများထပြတ်ကုန်လေရော့သလား။မြန်မာ့ဆက်သွယ်ရေးလုပ်ငန်းအနေနဲ့  စဉ်းစားရင် ဖြစ်နိုင်ခြေအများကြီးရှိမှာပါ။(နောက်တာ..:p)

မဏိမေခလာ စောင့်သည့်ကြိုး အပိုင်း(၃)နိဂုံးပိုင်း

မဏိမေခလာ စောင့်သည့်ကြိုး အပိုင်း(၃)နိဂုံးပိုင်း

ယနေ့ခေတ်မှာ ကျွန်တော်တို့အားလုံးရဲ့နေ့စဉ်ဘ၀မှာ အထောက်အကူအဖြစ်မသုံးမဖြစ် သုံးစွဲနေရတဲ့အရာတွေ၊ ၀န်ဆောင်မှုတွေ ရှိနေပါတယ်။ အဲဒီအရာတွေထဲမှာ သတင်းဆက်သွယ်ရေး ကဏ္ဍဟာလည်း တစ်ခုအပါအ၀င်ဖြစ်ပါတယ်။ အင်တာနက်လိုင်းတွေကြားမှာ နေ့ စဉ်နဲ့ အမျှ လိုက်ပါစီးမျှောရင်း လုပ်ဖော်ကိုင်ဖက်၊မိတ်ဆွေ၊သူငယ်ချင်း အချင်းချင်း အပြန်အလှန် အီးမေးလ်(အင်တာနက်ခေတ်ဦးက အီလက်ထရွန်းနစ်ချောစာလို့  ဘာသာပြန်သူတစ်ဦး သုံးနှုန်းသွားတာကို ပြန်သတိရမိပါတယ်) ပို့ ကြတာတွေ၊ အဝေးတမြေရောက်နေတဲ့ငယ်ကျွမ်းဆွေ ဒါမှမဟုတ် မိသားစုဝင်တွေနဲ့  Skype ကနေ စကားပြောကြတာတွေ၊ မတူညီတဲ့နေရာတွေဆီကနေ သက်ဆိုင်ရာပုဂ္ဂိုလ်တွေအင်တာနက်ပေါ်ကနေဗီဒီယိုနဲ ဆွေးနွေးပွဲတွေလုပ်ကြတာတွေ၊ အစည်းအဝေးထိုင်ကြတာတွေ၊ Youtube လိုမျိုး ဗီဒီယိုဝက်ဆိုက်တွေကနေ အပျင်းလည်းပြေ၊ ဗဟုသုတလည်းရ ၊ပေါက်ကရတွေလည်းပါတဲ့ ဗီဒီယိုအမျိုးအစားစုံစုံလင်လင်ကို အချိန်ရရင်ရသလို ၀င်ရောက်မွှေနှောက်ကြည့်ရှုတာတွေ၊ လေယာဉ်လက်မှတ် ကြိုတင်စာရင်းပေး မှာယူတာတွေ၊ ဘဏ်တွေဆီကို အင်တာနက်ပေါ်ကနေ အခကြေးငွေများများစားစား ပေးစရာမလိုပဲ ငွေအလွှဲအပြောင်းလုပ်ခြင်းစတဲ့အရာတွေဟာ အင်တာနက်ရဲ့အရေးပါတဲ့အစိတ်အပိုင်းတွေအနေနဲ ယနေ့ ခေတ်မှာလူတွေရဲ့လိုအပ်ချက်တွေကို ဖြည့်ဆည်းပေးလျှက်ရှိနေပါတယ်။

ဆရာဆိုတဲ့လူတစ်ယောက်

ဆရာဆိုတဲ့လူတစ်ယောက်

တရံတခါက ရယ်စရာကောင်းသော လူတစ်ယောက်ရှိ၏။ အဆိုပါပုဂ္ဂိုလ်သည် လူရှေ့ သူရှေ့ ရောက်လျှင် သူ၏စိတ်ကူးယဉ်အိပ်မက်များအကြောင်း အမြဲလိုလိုလျှောက်ပြောလေ့ရှိသည်။ သူ၏အိပ်မက်များထဲတွင် အမေရိကန်ပြည်ထောင်စု ဟားဗတ်တက္ကသိုလ်တွင် စာပေသွားရောက်သင်ကြားလိုသည့် အကြောင်းလည်းပါသည်။ ဟောလီးဝုတ်တွင် ရုပ်ရှင်ပညာသင်ကြား၍ မြန်မာပြည်ဖြစ် နိုင်ငံတကာအဆင့်မှီ ရုပ်ရှင်ဇာတ်ကားတစ်ကားကို ဒါရိုက်တာအဖြစ် ဦးဆောင်ရိုက်ကူးချင်သည့် အကြောင်းလည်းပါသည်။ ဗြိတိန်နိုင်ငံ အောက်စပို့ စ်နှင့် ကင်းဘရစ်တက္ကသိုလ်တို့ တွင် သွားရောက်ပညာဆည်းပူး၍ မြန်မာပြည်သို့ပြန်ကာ ကျောင်းဆရာပြန်လုပ်မည့် အကြောင်းလည်းပါသည်။ ထို့ အပြင် အချိန်ရတိုင်း ပြန်ကြားရေးရုံးရှိ အစိုးရစာကြည့်တိုက်သို့ နေ့ စဉ်မှန်မှန်သွားရောက်၍ စာအုပ်ထိုင်ဖတ်ကာ ဖတ်ခဲ့သမျှစာအုပ်စာတမ်းများအကြောင်းကို တွေ့ သမျှလူကိုဖောက်သည်ချ၍ တစ်နေ့ စာရေးဆရာဖြစ်အောင် ကြိုးစားမည့်အကြောင်းလည်းပါသည်။ ခလေးများကိုစာပြရင်း ရေးထားသမျှစာတိုပေစတို့ ကို အပေါင်းအသင်းများအား အတင်းအဓမ္မဖတ်ခိုင်းကာ ကျောင်းဆရာ၊စာရေးဆရာတစ်ယောက်အဖြစ် သူ့ကိုယ်သူဂုဏ်ယူဝင့်ကြွားလေ့ရှိသည်။

စံပြဖခင်

စံပြဖခင်

တရုတ်နိုင်ငံက ဆံပင်ညှပ်သမားတစ်ယောက်ဖြစ်တဲ့ Liu Renneng ဟာ သူ့ရဲ့ ၁၁နှစ်အရွယ် ချစ်စရာသမီးလေးအတွက် ပူပင်သောကရောက်ပြီး ညညအိပ်မပျော်နိုင်ဖြစ်နေရပါတယ်။ သမီးလေးခမျာ ပြီးခဲ့တဲ့ ၂၀၁၁ အောက်တိုဘာလကတည်းက သွေးကင်ဆာရောဂါကို စတင်ခံစားနေရပြီး ဒီရောဂါကိုကုသဖို့အတွက် ရိုးတွင်းချဉ်ဆီလဲဖို့ အရေးတကြီးလိုအပ်နေပါတယ်။ ဒီအဖြစ်ဟာ ချစ်စရာသမီးလေးနဲ့ သာယာချမ်းမြေ့နေတဲ့ Liu တို့မိသားစုအတွက် ကောင်းကင်ကြီး ပြိုကျသွားသလိုပါပဲ။ ဒီလိုကုသဖို့အတွက် ကုန်ကျမယ့်ငွေကြေးပမာဏဟာ သာမန်ဆံပြင်ညှပ်သမားတစ်ဦးဖြစ်တဲ့  Liu အတွက် ခြေလက်မစုံတဲ့ ဒုက္ခိတတစ်ယောက်က ဧ၀ရက်တောင်ကို တက်ရမယ့်အခြေအနေမျိုးဖြစ်နေပါတယ်။ ကင်ဆာရောဂါကို ပျောက်ကင်းအောင်အခမဲ့ဆေးကုသပေးမယ့် နေရာမျိုးကလည်း မရှိလေတော့ Liu အနေနဲ့ သမီးလေးရဲ့အသက်ကိုကယ်ဖို့ ယွမ်ငွေ ခြောက်သိန်းကျော်ကို မဖြစ်မနေရှာဖို့ အရေးတကြီးလိုအပ်နေပါတယ်။ ဒီပိုက်ဆံကို ရှာဖို့အတွက် သူဘယ်လိုမှမတတ်နိုင်ပါဘူး။

ကျန်စစ်ပြောင်....:p

ကျန်စစ်ပြောင်..:p

အများသူငါ လှောင်ပြောင်ရယ်မောကြပေမယ့်
ပြောင့်သဘော ဖြူဖြူစင်းရယ်က
ငြူစူကင်းလို့ အမျက်ဖြေ
နိုင်ကျဉ်းလွတ်လို့  သက်သေပြု
ဇေယျတုရယ်နဲ့ 
မင်္ဂလာပေါင်းစုံစုလို့ ကွယ်

စန္ဒကူးနံ့သာ မွှေးတဲ့မြိုင်

စန္ဒကူးနံ့သာမွှေးတဲ့မြိုင်

ရှေးစာပေကျမ်းဂန်တွေထဲမှာ အမြဲလိုလိုတွေ့ရတတ်တဲ့ စန္ဒကူးနံ့သာဆိုတဲ့စကားလုံးဟာ သင်းပျံ့တဲ့သစ်သားရနံ့၊မွှေးကြိုင်ခြင်းကို ကိုယ်စားပြုတယ်ဆိုတာ လူတိုင်းသိကြမှာပါ။ မြန်မာပြည်မှာ သနပ်ခါးပြီးရင် အလှကုန်ပစ္စည်းအနေနဲ့ပဲဖြစ်ဖြစ်၊ ပရဆေးအမယ်တစ်ခုအနေနဲ့ဖြစ်ဖြစ်၊ ဘာသာရေးအရပူဇော်တဲ့နေရာမှာပဲဖြစ်ဖြစ် အသုံးများတဲ့ သစ်သားတစ်မျိုးကတော့ နံ့သာပဲဖြစ်ပါတယ်။ နံ့သာကို စန္ဒကူးလို့ ပါဠိလိုခေါ်တယ်လို့ကြားဖူးပါတယ်။ ဒါပေမယ့် ကျမ်းကိုးအကားအနေနဲ့ ရှင်နာဂသိန်ရဲ့ သိမ်ဖြူပုံပြဆေးအဘိဓာန်နဲ့ မြန်မာ့စွယ်စုံကျမ်းတွေအနားမှာမရှိတော့ ဟုတ်မဟုတ် သေချာမပြောနိုင်ပါဘူး။ ဖြစ်နိုင်ခြေရှိတာတစ်ခုကတော့ နံ့သာကို အင်္ဂလိပ်လို Sandalwood လို့ခေါ်တဲ့အတွက် အသံထွက်အားဖြင့် နီးစပ်ပါတယ်။ဒါပေမယ့် စန္ဒကူးနံ့သာရဲ့ဆိုလိုရင်းက နံ့သာတစ်မျိုးတည်းကိုပဲ တင်စားခေါ်ဝေါ်ဟန်မတူပါဘူး။ မွှေးပျံ့တဲ့ရနံ့ရှိတဲ့ သစ်သားဟူသမျှကို တင်စားသုံးနှုန်းထားတာဖြစ်မယ်လို့ထင်ပါတယ်။ရှေးခေတ်တုန်းက ဒီအမွှေးနံ့သာ၊ကရမက်စတာတွေဟာ တောကြီးမြိုင်လယ်မှာ ပေါက်ရောက်ပြီး သုံးစွဲလိုသူတွေက ခက်ခက်ခဲခဲရှာဖွေရတာမျိုးတွေရှိခဲ့ပါတယ်။ မရှားပါးပေမယ့် သနပ်ခါးလိုမျိုး လူနေအိမ်ခြေကြားမှာ စိုက်ပျိုးသုံးစွဲတာမျိုးတွေ နည်းမယ်ထင်ပါတယ်။ ဒီဖက်ခေတ်မှာတော့ စီးပွားရေးအရ ဈေးကွက်ရှိတဲ့ နံ့သာဟာ တခြားအမွှေးအကြိုင်၊ပရဆေးပင်တွေလိုပဲ စိုက်ခင်းတွေနဲ့ စီးပွားဖြစ်ထုတ်လုပ်ပြီး နိုင်ငံခြားထိတင်ပို့နေတဲ့အနေအထားမှာ ရှိနေပါပြီ။ ဒါပေမယ့် မြန်မာနိုင်ငံမှာသာမက အရှေ့တောင်အာရှနိုင်ငံတွေမှာ စီးပွားဖြစ်စိုက်ခင်းတွေလုပ်ကိုင်တာမျိုးဟာ ဈေးကွက်ထက်စာရင် နည်းပါးပြီး ခုချိန်ထိရှေးခေတ်ကလို စိမ့်ကြီးမြိုင်ကြီးတွေထဲ ခက်ခက်ခဲခဲလိုက်လံရှာဖွေနေရတဲ့၊ သက်ဆိုင်ရာအစိုးရတွေကနေ ရှားပါးသစ်တောထွက်ပစ္စည်းအနေနဲ့ ဥပဒေထုတ်ပြီး တားမြစ်ထားရတဲ့၊ မှောင်ခိုဈေးကွက်မှာ အရမ်းလူကြိုက်များပြီးတော့ တန်ဖိုးကြီးပြီးရှားပါးတဲ့၊ အရမ်းလည်းဆေးဖက်ဝင်တဲ့ အမွှေးအကြိုင်သစ်တောထွက်ပစ္စည်းတစ်မျိုးရှိနေပါတယ်။ အဲဒါကတော့ သစ်မွှေးလို့ခေါ်တဲ့ Agar-wood သို့မဟုတ် Oddh ပါပဲ။

ချစ်သူများနေ့နဲ့ မသက်ဆိုင်သောသူ

ချစ်သူများနေ့နဲ့ မသက်ဆိုင်သောသူ

မပျက်ကွက်ခဲ့ပါဘူး
အရူးလို့ပဲ ဆိုချင်ဆို
ဒီရက်ကို အခါအခါကြိုနေရပေမယ့်
ကိုယ့်အလှည့်ကို ပြန်မရနိုင်တော့တဲ့ဘ၀။
တချိန်တခါဆီက
မှိန်ပြပြ လကွေး
ချမ်းအေးတဲ့ ကန်စောင်းမှာ
နှင်းပုဝါ ကိုယ်စီခြုံလို့
အတူတူရင်ငွေ့လှုံ
ညှင်းလေက တသုန်သုန်ပွေ့
မှုန်နံ့သာသင်းငွေ့ငွေ့ရယ်က
မြပါးပြင် လေအဝှေ့မှာ
ဝေ့၀ိုက်ကာ နော့။

ပလတ်စတစ်များနှင့် ကျွန်တော်တို့ ကမ္ဘာ အပိုင်း(၃)

ပလတ်စတစ်များနှင့် ကျွန်တော်တို့ကမ္ဘာ အပိုင်း(၃)

  ဒီရက်ပိုင်း သတင်းတွေလိုက်ဖတ်၊ သူများတွေရေးတဲ့ ပို့ စ်တွေလိုက်ဖတ်နေရလို့  ဒီလက်ကျန်အပိုင်းလေးကို ခုမှတင်ဖြစ်တဲ့အတွက် အားလုံးကိုတောင်းပန်ပါတယ်။ ပလတ်စတစ်ဟာ ရေဆူမှတ်ထက်နိမ့်တဲ့ အပူချိန်အောက်မှာအရည်ပျော်နိုင်လို့  သူ့ ထဲမှာပါဝင်တဲ့ အညစ်အကြေးတွေကိုဖယ်ရှားတဲ့နေရာမှာ ခက်ခဲစေတဲ့အတွက်  Recycle လုပ်တဲ့နေရာမှာ တခြားပစ္စည်းတွေထက်စာရင် အရမ်းခက်ခဲပါတယ်။Recycle လုပ်ခြင်းကိုတိုးတက်အောင်လုပ်ဖို့ ဆိုတာ ဗြိတိန်မှာရှိတဲ့ ပလတ်စတစ်စက်မှုဇုန်တွေရဲ့  အဓိကမျှော်မှန်းထားတဲ့အရာနှစ်ခုထဲက တစ်ခုဖြစ်ပေမယ့် ဒီကိစ္စနဲ့ပတ်သက်လို့ နိုင်ငံတ၀ှမ်းလုံးမှာရှိတဲ့ သက်ဆိုင်ရာအဖွဲ့ အစည်းတိုင်းက စက်ရုံတွေကနေ ထုတ်လုပ်တဲ့ပလတ်စတစ်ပစ္စည်း အမျိုးအစားတစ်ခုချင်းစီထွက်ရှိတဲ့နှုန်း(ဥပမာ ပုလင်းတွေ၊ ကာတွန်းဗူးခွံတွေ၊ အောက်ခံပြားတွေ၊ ပလတ်စတစ်အိတ်တွေ) နဲ့  တစ်နိုင်ငံလုံးကသုံးစွဲပြီးသား ပလတ်စတစ်အမှိုက်တွေကို Recycle ပြန်လုပ်နိုင်မှုနှုန်းထားကို ထုတ်လုပ်မှုရဲ့  ၂၃%ကနေ ၄၅%ထိတိုးမြှင့်နိုင်ဖို့ အတွက် တာဝန်ရှိသူတွေဆီကနေ စနစ်တကျစစ်တမ်းကောက်ယူပြီး ခန့်မှန်းတွက်ချက်တာတွေ လုပ်ဆောင်နိုင်တယ်ဆိုရင် တိုးတက်တယ်လို့ ပြောလို့ ရပါတယ်။

ပလတ်စတစ်များနှင့် ကျွန်တော်တို့ ကမ္ဘာ အပိုင်း(၂)

ပလတ်စတစ်များနှင့် ကျွန်တော်တို့ကမ္ဘာ အပိုင်း(၂)

 
The "Plastic Bag Monster", a creation by Slovenian artist Miha Artnak, is displayed outside the European Commission headquarters in Brussels May 24, 2011. Photograph: Francois Lenoir/Reuters

                  အပိုင်း(၁)မှာ ပလတ်စတစ်စွန့် ပစ်ပစ္စည်းများရဲ့ ကျွန်တော်တို့ နေထိုင်ရာကမ္ဘာကြီးကို ဘယ်လိုခြိမ်းခြောက်နေတယ်ဆိုတာကိုဖော်ပြခဲ့ပြီးဖြစ်ပါတယ်။
                  ဒီအခြေအနေတွေကို မသိရှိခင်အထိ၊နောက်ပြီး သိကြပြီးတဲ့တိုင်အောင် ပလတ်စတစ်ဆိုတာ ကမ္ဘာအရပ်ရပ်မှာ မှီတင်းနေထိုင်နေကြတဲ့ လူသားတွေအားလုံးအတွက် အသုံးဝင်ဆုံး ကုန်ပစ္စည်းတစ်ခုအဖြစ် တည်ရှိနေဆဲဖြစ်ပါတယ်။သူ့ ရဲ့သုံးစွဲရလွယ်ကူခြင်း ၊တာရှည်ခံခြင်းနဲ့ အလွယ်တကူ ကြေမွပျက်စီးမှုမရှိခြင်းနဲ့ အင်မတန်ပေါ့ပါးတဲ့ ဂုဏ်သတ္တိတွေဟာ သုံးစွဲသူတွေကို အဓိကဆွဲဆောင်နိုင်တဲ့ အချက်တွေဖြစ်ပါတယ်။ အဲဒိဂုဏ်သတ္တိတွေနဲ့ ပလတ်စတစ်ဟာ အစားအသောက်တွေကို ထုတ်ပိုးသိမ်းဆည်းရောင်းချတဲ့နေရာမှာ ပလတ်စတစ်မပေါ်ခင်အချိန်က ဘယ်သူမှမစဉ်းစားဖူးတဲ့ အချိန်အတိုင်းအတာတစ်ရပ်ထိတိုင်အောင် တာရှည်သုံးနိုင်ပါတယ်။

ပလတ်စတစ်များနှင့် ကျွန်တော်တို့ ကမ္ဘာ အပိုင်း(၁)

ပလတ်စတစ်များနှင့် ကျွန်တော်တို့ ကမ္ဘာ အပိုင်း(၁)

                 ၂၀၁၁အကုန် ၂၀၁၂အ၀င် ခရစ်စမတ်နဲ့ နှစ်သစ်ကူးပွဲတော်တွေအပြီးမှာ တန်ချိန်ရာပေါင်းများစွာရှိတဲ့ ခရစ်စမတ်သစ်ပင်တွေဆီမှာ ချိတ်ဆွဲခဲ့တဲ့ အလှအပမီးလုံးလေးတွေ၊ နောက်ပြီး ကြက်ဆင်သားဟင်းပွဲပြင်ဆင်တဲ့ ပစ္စည်းတွေ၊ပုလင်းခွံတွေ၊အရုပ်အကျိုးအပျက်တွေနဲ့ ပွဲတော်မှာသုံးစွဲခဲ့တဲ့ များပြားလှတဲ့ အသုံးအဆောင်ပစ္စည်းအမှိုက်သရိုက်အိတ်ပေါင်း အနည်းဆုံး ၂၅ဘီလျှံခန့် ဟာ ဗြိတိန်နိုင်ငံက အိမ်တွေဆီကနေ စွန့် ပစ်ခဲ့ကြပါတယ်။ ဒါပေမယ့် ဒီစွန့်ပစ်ပစ္စည်းပလတ်စတစ်တွေထဲက  အချိုးအစားပမာဏနည်းနည်းကိုပဲ Recycle လုပ်နိုင်မှာဖြစ်ပါတယ်။

မင်းကျန်စစ်သို့ တမ်းချင်း

မင်းကျန်စစ်သို့ တမ်းချင်း

တချိန်တခါဆီက
နေလိုလလို ထွန်းကား
မင်းတစ်ပါးရဲ့ ကျူးရင့်သံ
စူးနစ်ကျန် ပြည်သူ့ နှလုံးသားတွင်ပ
ပုဂံတံခါးဝမှသည်
ဧရာဝတီသို့  စုန်လေပြီ

နိုင်ငံတော် သမ္မတ

*နိုင်ငံတော် သမ္မတ*
ဂျိုထောင်ကာ အားမာန်ကြွ
ဘို့ လှလှ နွားတစ်ကောင်
ဥဿဖသူ့ အဆောင်ယောင်
ဆင်ပြောင်နှယ် ခွန်အား
ချွန်ကားတဲ့ သူ့ ဦးချို
ထွားစိုတဲ့ ကိုယ်လုံး

ညဥ့်ဦးယံ အလွမ်း

သော်တာပြူစ   ကြည်စွကောင်းကင်
ညဥ့်ရင်ခွင်ဝယ် ငွေကြယ်စုံညီ
ပုဏ္ဏမီလ၀န်း  ငွေရည်သွန်းချ
မြူစမှုန်ရီ  ဝေသီမှိုင်းပြ
ရှုမ၀ပြန်   ညဥ့်ဦးယံ...။

May Lay,Maung Zarni နှင့် တခြားသော ရိုဟင်ဂျာရှေ့နေများသို့  အိတ်ဖွင့်ပေးစာ

May Lay ကို ကျွန်တော်တစ်ခုပြောချင်ပါတယ် ကျွန်တော်တို့ ခုဆွေးနွေးနေတဲ့ အကြောင်းအရာနဲ့ပတ်သက်ပြီး အစ္စလာမ်ဘာသာဝင်တစ်ယောက်အနေနဲ့ ဖြစ်ဖြစ် လူ့အခွင့်အရေးလှုပ်ရှားသူတစ်ယောက်အနေနဲ့ ပဲဖြစ်ဖြစ် စိတ်အနှောက်အယှက်ဖြစ်ရတယ်ဆိုရင်ဆောရီးပါ ခုကျွန်တော်တို့ ဆွေးနွေးနှီးနှောကြတဲ့ လူတွေထဲမှာ ဘာသာရေးအဓိကရုန်းတစ်ခုကို အကောင်အထည်ဖော်ဖို့ ရည်ရွယ်ထားတဲ့လူ တစ်ယောက်မှမပါဝင်ဘူးလို့ ကျွန်တော့်အနေနဲ့ ယူဆမိပါတယ် ကျွန်တော်တို့ နိုင်ငံသားတွေဟာ လက်တစ်ဆုပ်စာလူတစ်စုရဲ့ ဖိနှိပ်ချုပ်ချယ်မှုအောက်မှာ နှစ်ပေါင်းများစွာ တတ်နိုင်သလောက် စည်းလုံးညီညွတ်စွာနေထိုင်ခဲ့ကြတာပါ။

အိန္ဒိယနွယ်ဖွားမြန်မာနိုင်ငံသားများသို့  အိတ်ဖွင့်ပေးစာ

ဒီနေရာမှ လက်ရှိကျွန်တော်တို့  တက်ကြွစွာပါဝင်လှုပ်ရှားနေတဲ့ Anti-Rohingha campaign နဲ့ ပတ်သက်ပြီး မြန်မာပြည်ဖွား အစ္စလာမ်ဘာသာဝင်တွေနဲ့ တခြားအိန္ဒိယနွယ်ဖွားလူမျိုးတွေကြားထဲမှာ ကျွန်တော်တို့ ရဲ့ရပ်တည်ချက်နဲ့ ပတ်သက်ပြီး နိုင်ငံခြားရောက် လူ့ အခွင့်အရေးActivists တွေရဲ့ ဝေဖန်စွပ်စွဲမှုတွေ..နောက်ပြီး ကျွန်တော်တို့ အုပ်စုထဲမှာပါဝင်လှုပ်ရှားနေတဲ့ တချို့ တချို့ သော လူမျိုးရေးဝါဒီတွေရဲ့မလျှော်ကန်တဲ့ ရေးသားဖော်ပြမှုတွေကြောင့် အမျိုးသားရေးဆိုတဲ့ ဦးတည်ချက်လမ်းကြောင်းကနေ သွေဖည်ပြီး အထင်အမြင်လွဲမှားမှုတွေ၊ လူမျိုးရေး ပဋိပက္ခတွေမဖြစ်ပွားစေချင်တဲ့ ရည်ရွယ်ချက်နဲ့ ဒီစာကိုရေးလိုက်တာပါ လွတ်လပ်ရေးကြိုးပမ်းမှုသမိုင်းမှာ ကျွန်တော်တို့ ရဲ့ဘိုးဘွားမိဘတွေနဲ့ အတူ သက်စွန့် ကြိုးပမ်းဆောင်ရွက်ခဲ့ကြတဲ့ အိန္ဒိယနွယ်ဖွား လက်ရှိမြန်မာနိုင်ငံသားတွေ ရဲ့ဘိုးဘွားမိဘတွေဟာ ကျွန်တော်တို့ မျက်မှောက်ခေတ် နိုင်ငံသားတွေအတွက် ကျေးဇူးဘယ်လောက်ကြီးမားတယ်ဆိုတာ အကျယ်တ၀င့်ရှင်းပြစရာလိုမယ်မထင်ပါဘူ။

အဖေ သူကြီးဖြစ်ပြီ အရင်လိုနေလို့  မရတော့ဘူး

အဖေ.. ဘာပဲပြောပြော အဖေအရမ်းဖြစ်ချင်တဲ့ သူကြီးတော့ဖြစ်လာပြီ အဲဒီတော့ အရင်လိုနေလို့ မရတော့ဘူး
အရင်လို အရပ်ထဲလှည့်ပတ် ရမ်းကားနေလို့ လည်း မရတော့ဘူး
အချိန်ပြည့် မူးရူးသောက်စားနေလို့ လည်း မရတော့ဘူး
ကိုယ့်ရွာကနွား ဘယ်သူတွေ ခိုးပေါ်စားစား ကိုယ့်အိမ်ပေါ် အသားတစ်ပိဿာရောက်ရင်ပြီးရော  ရူးချင်ယောင်ဆောင်နေလို့ မရတော့ဘူး
ရွာသားအချင်းချင်း အမွေဆိုင် လယ်မြေအလုမှာ ကိုယ့်ကိုဝေစုပေးနိုင်တဲ့လူကို မျက်နှာကြည့် အဂတိလိုက်စားလို့ လည်းမရတော့ဘူး

ကားလိပ်ကြားက ဦးသ၀န်ကြောင် ကိုကိုများသို့  မေတ္တာစာ..:-)

ဦးသ၀န်ကြောင်လို့ ကြားလိုက်တာနဲ့ အများစိတ်ထဲမှာ လေဘာတီမမြရင်ကို တန်းခနဲ သတိရမိကြမှာ သေချာပါတယ် မမြရင်ရဲ့လျှမ်းလျှမ်းတောက် နာမည်ကြီးစဉ်ဆိုခဲ့တဲ့ သီချင်းတစ်ပုဒ်ပါ သူမကို အချစ်ပိုသလောက် သံသယများတဲ့ သူမရဲ့ ချစ်လင်ကိုကိုအကြောင်းပေါ့လေ
x x ဘယ်ယောက်ျားမှ စကားမပြောနဲ့တဲ့ x x မနေ့ကမှာတယ် x x တွေ့ကြရာဝယ် ကျွန်မ ပြောပြမယ် ကသောအခါဝယ် x x ရည်းစားတစ်ထောင် လင်ကောင် x x ကြင်ပေါင် မြရင် စိတ်နှလုံးဟာမို့ x x အိမ်တွင်းပုန်း ကုလားမကဲ့သို့ x x x ကျွန်မတို့ မနေနိုင်ပေါင် မောင်ရယ် x x x

Anti-Rohingha လှုပ်ရှားမှု ထောက်ခံအားပေးသူများနှင့် တက်ကြွလှုပ်ရှားသူအားလုံးသို့ အိတ်ဖွင့်ပေးစာ

ကျွန်တော် ပထမဆုံးတောင်းပန်ချင်တာ တစ်ခုက ဒီစာထဲမှာပါတဲ့ အကြောင်းအရာတွေထဲမှာ စာဖတ်သူတွေအပေါ် ဆရာလုပ်သလိုမျိုး၊ ပညာရှင်ဆန်ဆန် လူတွေရဲ့ အားနည်းချက်တွေကို ထောက်ပြဝေဖန်မိတာမျိုး ပါနေရင် ကျွန်တော့်ရဲ့ ရေးသားတင်ပြပုံ အားနည်းမှုလို့ပဲ မှတ်ယူခွင့်လွှတ် ပေးစေလိုပါတယ်။ အားလုံးသိကြတဲ့အတိုင်းပါပဲ။ ကျွန်တော်ရေးဖူးသမျှ အကြောင်းအရာတွေ တော်တော်များများဟာ ကျွန်တော်ဖြတ်သန်းဖူးသမျှ အတွေ့အကြုံတွေနဲ့ အဲဒီအတွေ့အကြုံတွေထဲက ရလာတဲ့ ဗဟုသုတနဲ့ အတွေးအခေါ်တွေပေါ်မှာ အခြေခံပြီး ကျွန်တော်အားသန်တဲ့ သရော်စာအရေးအသားနဲ့ ဖန်တီးခဲ့တဲ့ စာတွေများပါတယ်။ ဒီစာအတွက် ကျွန်တော် မျှော်လင့်ထားတာတစ်ခုက ပညာရှင်မဟုတ်တဲ့ လူတစ်ယောက်ရဲ့ တိုက်တွန်းအားပေးမှုကနေ ပညာရှင်တွေအနေနဲ့ ၀ိုင်းဝန်းအကောင်အထည်ဖော်၊ ပူးပေါင်းဆောင်ရွက်ကြဖို့ အတွေးတစ်ခုလောက် ရစေလိုတဲ့ စေတနာကို ဖတ်ရှုတဲ့လူတွေ အကုန်နားလည် စေချင်တာလေးပါပဲ။

ဝီကီမြန်မာပေါ်မှ ဘင်္ဂလီရိုဟင်ဂျာတစ်ယောက်ရေးသားခဲ့သည့် စာတမ်း

အောက်မှာဖော်ပြထားတဲ့အကြောင်းအရာတွေကတော့ တချိန်က ခွဲထွက်ရေး၊သီးခြားပြည်နယ် ထူထောင်ရေး အသံတွေ အော်နေခဲ့တဲ့ ဘင်္ဂလီရိုဟင်ဂျာများရဲ့မြန်မာပြည်သူလူထုအပေါ် ချဉ်းကပ်မှု လမ်းကြောင်း တစ်မျိုးပြောင်းလာတယ်ဆိုတာ ဖော်ပြနေတဲ့ စာတမ်းတစ်ခုဖြစ်ပါတယ်။တချိန်က အစိုးရရဲ့ဒီလူတွေအပေါ် ခေါင်းတစ်လုံးစာ ခဏတဖြုတ်လက်ခံခဲ့မှုကနေ ခု တစ်ကိုယ်လုံးသာမက ရှိသမျှ မျိုးဆွေလေးပါးကိုပါ အိမ်ထဲပေးဝင်ဖို့  တောင်းဆိုနေကြပါပြီ။ဒီနေရာမှာ သုံးသပ်မိတာတစ်ခုက သူတို့ ကို သူတို့  ပါလက်စတိုင်းတွေလို အတင်းပုံဖော်နေပြီး  ရခိုင်တွေကို  ဂါဇာနဲ့ ဂျေရုစလင်ကိုဥရောပကနေ စစ်ပွဲတွေအတွင်းမှာ လှိမ့်ဝင်လာပြီး အရင်နေတဲ့လူတွေကိုမောင်းထုတ်၊နိုင်ငံထူထောင်ခဲ့တဲ့ အစ္စရေးတွေလိုဖြစ်အောင် အတင်းပုံဖော်နေကြပါတယ်။သူတို့ ရဲ့မျိုးဆက်တွေကိုလည်း ဒီလိုမျိုးသမိုင်းတုတွေကို ခေါင်းထဲရိုက်သွင်းထားခဲ့ပါတယ်။ဒီ ဘင်္ဂလီတွေရဲ့ ညဏ်နီညဏ်နက်တွေကို အကဲခတ်လို့ ရအောင် ဒီဟာကို ပြန်လှည် ဝေငှလိုက်ပါတယ်။
ရခိုင်ပြည်နယ်နေ့ လို့ ခေါင်းစဉ်တပ်ထားပေမယ့်...ရိုဟင်ဂျာအကြောင်းပဲ ရေးထားတာတွေ့ရပါတယ်။

အော်ဂင်းနစ်ပဲ ကောင်းပါတယ်

ပန်းတွေ ပွင့်လာဖို့ 
အသီးတွေ အချိန်အခါမဟုတ်သီးစေဖို့ 
အညွှန့် အခက်တွေ ရာသီမကျခင် ဝေဆာဖို့ 
အဥအဖုနဲ့ မျှစ်စို့ တွေ လိုသလို တူးဖဲ့ချိုးယူရစေဖို့ 
ဘယ်အရာမဆို လိုတဲ့အချိန် ရောင်းတမ်းဝင်ဖြစ်စေဖို့ 
...................................................စေဖို့ 
...................................................စေဖို့ 

စည်းရုံးခြင်းဖြင့် စည်းလုံးစေချင်ပါသည်

လူမျိုးစုတစ်ခု အစဉ်တည်ရှိခြင်း၊ ခိုင်မြဲခြင်းဟူသည် ၎င်းတို့၏ စရိုက်သဘာဝနှင့် ပတ်ဝန်းကျင် အခြေအနေတို့၏ ဂယက်ရိုက်ခတ်မှုများအပေါ် မည်ကဲ့သို့ တုံ့ပြန်ခြင်းဆိုသည့် အချက်တွင် များစွာမူတည်နေသည်။ လူမျိုးတစ်မျိုး၏ စရိုက် သဘာဝဟုဆိုရာတွင် ယဉ်ကျေးမှု၊ စိတ်ဓာတ်၊ သမိုင်းအစဉ်အလာနှင့် စည်းလုံးညီညွတ်မှုတို့ ပါဝင်သည်။ ရှေးနှစ်ပေါင်းများစွာ ကတည်းကပင်  မူလဇစ်မြစ်နေရာများမှ ရေကြည်ရာမြက်နုရာ အရပ်ဒေသများသို့ အုပ်စုဖွဲ့ ပြောင်းရွေ့ အခြေချကာ မြို့ပြနိုင်ငံများ တည်ထောင်လာခဲ့ကြသည့် လူသားမျိုးနွယ်အသီးသီးတို့ သည် နယ်မြေသစ်တွင် စည်းလုံးမှုဖြင့် ခိုင်မာသော စာပေ၊ ဂီတ၊ ယဉ်ကျေးမှုတို့ကို တည်ဆောက်ခဲ့ကြပြီး ခိုင်မာသော သမိုင်းကြောင်း အစဉ်အလာများကို ယနေ့ အချိန်ထိမျိုးဆက်များစွာ လက်ဆင့်ကမ်းလာခဲ့ကြသည်။

ပင်လယ်ကမ်းစပ်၌ ကောက်ရလျှင် ပေါက်တတ်သည့် ထီ

ပင်လယ်ကနေထွက်တဲ့ အဖိုးတန်ပစ္စည်းလို့ပြောလိုက်တာနဲ့ လူတိုင်းရဲ့မျက်စိထဲမှာ မုတ်ကောင်ကထွက်တဲ့ ပုလဲဆိုတာကို တန်းခနဲမြင်ကြမှာသေချာပါတယ်။ န၀ရတ်ကိုးပါး ရတနာစာရင်းဝင် ပုလဲလို တန်ဖိုးကြီးပေမယ့် ရတနာမဟုတ်တဲ့အရာ၊ ပုလဲထက်တောင်မှ ရှားပါးတဲ့ပစ္စည်းတစ်မျိုးကိုတော့ မြင်ဖူးတဲ့လူနည်းပါလိမ့်မယ်။ မမြင်ဖူးတဲ့အပြင် သိတောင်မသိကြတဲ့လူတွေ တော်တော်များမယ်ထင်ပါတယ်။ဒီပစ္စည်းဟာ သဘာဝပုလဲထက် ပိုပြီးရှားပါးသလို ပိုပြီးတော့ ဒဏ္ဍာရီဆန်ပါတယ်။ ဒီပစ္စည်းဟာ ပင်လယ်ကမ်းစပ်မှာ နိစ္စဒူဝ သားငါးရှာဖွေရင်း တစ်နေ့လုပ်မှတစ်နေ့စားရတဲ့သူတွေအဖို့ ဘုရားသခင်ဖန်ဆင်းပေးတဲ့ အိပ်မက်ထဲက လက်ဆောင်ပါပဲ။

ပြည်ထောင်စုမြန်မာနိုင်ငံတော်၏ ဌာနေတိုင်းရင်းသားဖြစ်သည့် အစ္စလာမ်ဘာသာဝင် ကမန်လူမျိုး

ကမန်လူမျိုးသည်လည်း ရခိုင်လူမျိုးစုဝင်ဖြစ်သည်။ ရခိုင်လူမျိုးစုကြီးထဲတွင် ရခိုင်၊ ကမန်၊ ခမွီး၊ ဒိုင်းနက်၊ မရမာကြီး၊ မြို၊ သက် စသည့်မျိုးနွယ်စုများ အကျုံးဝင်ကြောင်း အထင်အရှားတွေ့ရှိရပေသည်။ ““ ကမန် ”” တိုင်းရင်းသားမျိုးနွယ်စုသည် ရခိုင်ပြည်နယ်ကို အခြေပြုမှီတင်းနေထိုင်ကြသော မျိုးနွယ်စုများအနက် မျိုးနွယ်စုတစ်ခုဖြစ်သောကြောင့် ပြည်ထောင်စုမြန်မာနိုင်ငံတော်အစိုးရက တရားဝင် သတ်မှတ်ထားသော တိုင်းရင်းသားမျိုးနွယ်စု (၁၃၅) စုတွင် တစ်စုအပါအ၀င်ဖြစ်ပါသည်။

လမ်းဘေးဈေးသည်နှင့် ဆိုင်တွင်းဈေးသည်

ယနေ့ခေတ်မှာ မြန်မာပြည်ရဲ့ရှိရှိသမျှ မြို့ကြီးပြကြီး၊ခရိုင်တိုက်နယ်၊ကျေးလက်တောရွာတွေပါမကျန် မမြင်ဖူးသူမရှိသလောက် ပေါများနေတဲ့အရာတွေကတော့ လမ်းဘေးဈေးသည်နဲ့ ကြွတ်ကြွတ်အိတ်ခွံတွေပဲဖြစ်ပါတယ်။ လူတန်းစားအချိုးကျတွက်ကြည့်ရင် အခြေခံလူတန်းစားဦးရေ ကိုးဆယ်ရာခိုင်နှုန်းကျော်ရှိနေတဲ့ ကျွန်တော်တို့နိုင်ငံမှာ လမ်းဘေးဈေးဆိုင်တွေဟာ မရှိမဖြစ်အပြန်အလှန်အမှီသဟဲပြုနေရတဲ့ စီးပွားရေးလုပ်ငန်းတစ်ခုဆိုရင်လည်း မမှားပါဘူး။ လမ်းဘေးဈေးဆိုင်ဆိုတဲ့နေရာမှာ မုန့်ဟင်းခါးဆိုင်ကစပြီး ကွမ်းယာဆိုင်အလယ် စာအုပ်အဟောင်းအရောင်းဆိုင်အဆုံး တိုလီမုတ်စ၊ကရေကရာ၊စုံစီနဖာ လမ်းဘေးပလက်ဖောင်းဝဲယာတွေမှာ မှိုလိုပေါက်ပြီး တန်းစီနေကြတာ နေ့စဉ်လိုလိုမြင်တွေ့နေရပါတယ်။ မြို့ကြီးတွေမှာ အဓိကကုန်ကြမ်းတင်ပို့သူတွေရဲ့ အကြီးဆုံးဈေးကွက်ဟာ လမ်းဘေးဈေးဆိုင်တွေဆိုရင်လည်းမမှားပါဘူး။

မားကို့စ်ရဲ့ ကဗျာ

မိုနီကာ
နင့်နှုတ်ခမ်းလွှာ မပြုံးပေမယ့်
ငါ့နှလုံးသား နွေးထွေးဆဲပါအချစ်ရယ်
ဖြစ်သမျှအကြောင်း
အကောင်းချည်း မဟုတ်ဘူးဆိုရင်တောင်
နှောင်ကြိုးတစ်မျှင်အနေနဲ့
ရှင်သန်နေတဲ့ငါ
ရင်ထဲမှာအသာပွေ့
မွေ့ရာထက်မှာတင်
နင်အသက်ဆက်ဖို့အတွက်
မနက်စာ ခပ်နွေးနွေး
ငါခွံ့ကျွေးတဲ့အခါတိုင်း
နင်မျက်လုံးဝိုင်းဝိုင်းနဲ့ကြည့်တတ်တယ်

ရခိုင်ပြည်(သို့)ရွှေတူးရာမြေ အပိုင်း-၁

ဥတုရာသီ တောကိုမှီ၏။ လူနှင့်သက်ရှိ သတ္တ၀ါအပေါင်းတို့၏ အသက်ရှင် ရပ်တည်ရေးသည်လည်း ရာသီဥတုကို မှီခိုအားထားနေရသည်မှာ လောကသဘာဝပင် ဖြစ်သည်။ တောတောင်ကိုမှီ၍ မြစ်ချောင်းတို့ ဖြစ်ပေါ်လာရ၏။ မြစ်ချောင်းတို့နုန်းမြေပို့ချမှုကြောင့် ရပ်ရွာတို့ရိက္ခာဖြည့်တင်းရန် လယ်ယာကိုင်းကျွန်းတို့ ၀ပြောလာရ၏။ ရှာဖွေစားသောက်ရောင်းချရန် သားငါးပုဇွန်တို့ ပေါများလာရ၏။ သဘာဝသည် လောကအား သူ့နေရာနှင့်သူ သဟဇာတကျစေရန်အလို့ငှာ ဖန်တီးထားလျှက် တည်ရှိနေလေသည်။ ယနေ့ခေတ် အခါသမယတွင် လူတို့၏ အလိုဆန္ဒကား သဘာဝကိုဖီလာဆန့်ကျင်ပြုလျှက်၊ တစ်ဖက်၌ သောင်ထွန်းရန်အတွက် တဖက်တွင် ကမ်းကိုဖြိုကြသည်။ ရေတိုအကျိုးအတွက် ရေရှည်အဖို့ကို မျက်ကွယ်ပြုကြသည်။ ဘယ်သူသေသေ၊ ငတေကတော့ ကျန်းမာချမ်းသာလျှက် ရှိနေသည်။ ရွှေလက်တစ်ဆုပ်စာအတွက် တောတောင်တို့ပျက်စီးခြင်းသို့ ဆိုက်ရောက်ရသည်။ မြစ်ချောင်းတို့ တိမ်ကောခြင်းဖြစ်ကြရသည်။ တိရိစ္ဆာန်တို့ ဒု ဗ္ဘိဂန္ဓရ ကပ်သို့ ဆိုက်ရောက်ကြရသည်။ တောတောင်မြစ်ချောင်း တို့အား မှီခိုနေရသည့် ရပ်ရွာတို့သည်လည်း ရောကန္တရကပ်ဘေးသို့ မချိမဆန့်ကျရောက်သွားရသည်။ တောပြုန်းသောအခါ လေလုံးဝင်တော့သည်။ ခုခံစရာအပင်မရှိ၍ အိမ်ခြေတို့အမြစ်ကကျွတ်လေ၏။ ပြန်ဆောက်စရာ သစ်ဝါးကနထ္ထိ။

ဘိလပ်ကိတ်

တိတ်ဆိတ်သောညတစ်ည..လမ်းထိပ်မှ သံချောင်းခေါက်သံ ဆယ့်နှစ်ချက် တိတိထွက်ပေါ်လာသည်။သံချောင်းခေါက်သံကြောင့် ကိုမြတ်လေးစာရေးရာမှ ခဏရပ်ကာ ခါးဆန့်လိုက်သည်။ စာထဲစိတ်ရောက်၍ ညသန်းခေါင်ရောက်သွားသည်ကို သတိမထားလိုက်မိပေ။ တစ်ချိန်လုံးကြည်နေခဲ့သော အတွေးတို့က နောက်ကျိသွားသည်။ ကိုမြတ်လေးစိတ်ထဲတွင် တစ်နုန့်နုန့်နှင့် မကျေမနပ်ဖြစ်ရသည်မှာ တစ်ပတ်ခန့်ရှိပြီ။ တစ်သက်နှင့်တစ်ကိုယ် ကိစ္စတစ်ခုကို ဤမျှကြာအောင်တစ်ခါမှ ခေါင်းထဲမထည့်ခဲ့ဖူး။ ကိုယ်ရေးကိုယ်တာမဟုတ်ပဲဘဲ သူများကိစ္စကိုခေါင်းထဲထည့်ကာခံစားနေသည့် ကိုယ့်ကိုကိုယ်လည်းမကျေနပ်။ ထိုပြဿနာကို စတင်ဖန်တီးခဲ့သည့် လူကိုလည်းဒေါသဖြစ် ၊ ကျေကျေနပ်နပ်လက်သင့်ခံနေသည့် လူကိုလည်း ဒေါသဖြစ် ။ စဉ်းစားရင်းပို၍ ဒေါသထွက်လာသည်။

......ဆိုရင်

တစ်နေ့နေ့ပေါ့လေ..ချစ်သူမင်္ဂလာပွဲလုပ်ချင်တဲ့ ဟိုတယ်မှာ မင်္ဂလာဆောင်နဲ့ဒင်နာနှစ်မျိုးစလုံးကို လုပ်ပေးနိုင်မယ်ဆိုရင်၊ ချစ်သူသွားချင်တဲ့ ဘယ်နေရာကိုမဆို ဟန်းနီးမွန်းထွက်ပေးနိုင်မယ်ဆိုရင်၊ ကိုယ့်ခြံကိုယ့်ဝင်းလေးထဲမှာ ကိုယ်ပိုင်ဂရမ်ရှိတဲ့ အိမ်လေးတစ်လုံးနဲ့ နေနိုင်မယ်ဆိုရင်၊ ကိုယ်ပိုင်ကားမရှိပေမယ့် မိန်းမဘယ်သွားသွား တက္ကစီငှားပေးနိုင်မယ်ဆိုရင်၊ရှော့ပင်ထွက်တဲ့အခါ မိန်းမစိတ်ဝင်စားလို့ကိုင်ကြည့်တဲ့ပစ္စည်းကို ဒါလေးယူလိုက်ရမလား မမေးခင် ကိုယ့်အိတ်ကပ်ပြန်စမ်းစရာမလိုပဲ အသဲလိုချင်ရင်ယူလိုက်လေလို့ ရင်ကော့ပြီးပြောနိုင်မယ်ဆိုရင်၊

စနစ် သူ့ကြောင့် မုန်းရပါလေသည်

ငုပန်းတို့ပင်လုံးထိန်အောင် ပွင့်ဝေခဲ့သည့် တစ်ခုသောနွေဦးဝယ် သတ္တိသွေးတို့ စွေးစွေးနီသည့် အခါသမယတစ်ခု တည်ရှိခဲ့လေ၏။ အမိမြေ၏သားကောင်းများသည် ပြည်သူတို့၏မေတ္တာကို ပွေ့ပိုက်လျှက် တပ်ထွက်မိန့်ခွန်းကို ငြိမ်သက်စွာ နာခံခဲ့ကြသည်။ ချစ်ခင်၊အားကိုး၊ အထင်ကြီး၊လေးစားခြင်းတည်းဟူသော လက်ခုပ်သံတို့သည်  ဘ၀ဂ်ညံခဲ့လေသည်။ အမိမြေကို ကျွန်ပြုအုပ်ချုပ်နေသည့် ဖက်ဆစ်တို့ကို အမြစ်ပါမကျန်တွန်းလှန် ချေမှုန်းရန်အစပြုခဲ့သည့်  တပ်နှင့်ပြည်သူ တစ်သွေးတည်း၊ တစ်သားတည်း၊ တစ်စိတ်တစ်ဝမ်းတည်း တည်ရှိခဲ့သည့် အဆိုပါနေ့ရက်သည်ကား တော်လှန်ရေးနေ့ သို့မဟုတ် တပ်မတော်နေ့၏ မူလပထမဆုံး နေ့ရက်အခါသမယပင် ဖြစ်ပါတော့သည်။

ဒုလ္လဘ ပထ၀ီ (Rare Earth )

မြေကြီးထဲကနေထွက်ရှိတဲ့ တွင်းထွက်ပစ္စည်းတွေဟာ ကျွန်တော်တို့ရဲ့နေ့စဉ်ဘ၀မှာ မရှိမဖြစ်သုံးစွဲနေရတဲ့ အရာပေါင်းမြောက်မြားစွာကို ဖန်တီးပေးနေသလို နိုင်ငံအချင်းချင်း ကုန်သွယ်ရေး၊ စစ်ရေး ပြိုင်ဆိုင်မှုတွေ၊ အပြန်အလှန်မှီခိုမှုတွေအတွက် အခြေခံကျတဲ့ အရင်းအမြစ်တွေလည်းဖြစ်ကြပါတယ်။ ဒီလိုတွင်းထွက်ပစ္စည်းတွေထဲမှာ လူအများစုသိတဲ့တွင်းထွက်ပစ္စည်းတွေ ရှိသလို လူနည်းစု(ပညာရှင်များ)လောက်သာ သိတဲ့တွင်းထွက်ပစ္စည်းအမျိုးအစားတွေလည်း ပါဝင်နေကြပါတယ်။ ဒေသအလိုက်ထွက်ရှိတဲ့ ပစ္စည်းအမျိုးအစားတွေ မတူညီတဲ့အတွက် ဒေသိယအခေါ်အဝေါ်တွေလည်း ကွဲပြားခြားနားမှုရှိတတ်ပါတယ်။ ပေါများတဲ့တွင်းထွက်ပစ္စည်းတွေ ရှိနေသလိုပဲ ရှားပါးတဲ့တွင်းထွက်ပစ္စည်းတွေလည်း ရှိနေပါတယ်။ တချို့တွင်းထွက်တွေဟာ ဒေသတစ်ခုမှာ ပေါပေါများများထွက်ရှိပေမယ့် တခြားဒေသတွေမှာ ရှာဖွေတွေ့ရှိဖို့ခက်ခဲလို့ ဈေးကွက်ဝေစုကိုထွက်ရှိရာဒေသကနေ လက်ဝါးကြီးအုပ်ထားတဲ့အတွက် ပစ္စည်းတန်ဖိုးမြင့်တက်လာရာကနေ ရှားပါးပစ္စည်းအဖြစ် ရောက်ရှိသွားတာမျိုးလည်း ရှိတတ်ပါတယ်။ တန်ဖိုးကြီးတွင်းထွက် သတ္တုလို့ပြောလိုက်တာနဲ့ လူတွေရဲ့စိတ်ထဲမှာ ရွှေကို ပထမဆုံးတန်းမြင်ကြမှာသေချာပါတယ်။ ရွှေရဲ့တန်ဖိုးကြီးမှုဟာ ရှားပါးမှုကြောင့်လို့ပြောလို့မရပါဘူး။ ကမ္ဘာ့ကုန်သွယ်ရေးမှာ သူ့ရဲ့အသုံးဝင်မှုကြောင့် ဟိုးယခင်ရှေးနှစ်ပေါင်းများစွာကတည်းက ရွှေရဲ့တန်ဖိုးဟာ တွင်းထွက်သတ္တုတွေကြားမှာ အမြင့်ဆုံးနေရာတစ်ခုကို ရောက်ရှိနေခဲ့တာဖြစ်ပါတယ်။ ကျောက်မျက်ရတနာမဟုတ်ပဲ ရွှေလိုပဲ တန်ဖိုးကြီးတဲ့ ရှားပါးတွင်းထွက်တစ်မျိုးအကြောင်းကို ဒီဆောင်းပါးမှာတင်ပြချင်ပါတယ်။ မြန်မာလိုတိုက်ရိုက်ဖြစ်စေ၊ဆီလျော်အောင်ဖြစ်စေ ဘာသာပြန်ဆိုဖို့ခက်ခဲတဲ့ အဲဒီတွင်းထွက်ပစ္စည်းအမည်ကတော့ Rare Earth(RE)ပဲဖြစ်ပါတယ်။ ဒါကြောင့် မြန်မာလိုနာမည်မရှိသေးတဲ့ ဒီပစ္စည်းကို မြန်မာလူမျိုးတိုင်း ရင်းနှီးနေတဲ့ ပါဠိစကားနဲ့တိုက်ရိုက် ဘာသာပြန်ပြီး ဒီဆောင်းပါးကို ဒုလ္လဘ ပထ၀ီလို့ ခေါင်းစဉ်တပ်လိုက်ပါတယ်။

သတိထားရမည့် ဘင်္ဂလားဒေ့ရ်ှနိုင်ငံ၏ လူဦးရေအဆမတန်ဖောင်းပွနေသည့် အခြေအနေ

 


မြောက်ပိုင်းဒေသရေကြီးမှုတွေနဲ့ တောင်ပိုင်းကဆိုင်ကလုန်းမုန်တိုင်းတွေ တိုက်ခတ်မှုကြောင့် ထောင်ပေါင်းများစွာသော ပြည်သူတွေဟာ ဘင်္ဂလားဒေ့ရ်ှနိုင်ငံရဲ့မြို့တော် ဒါကာကို နေ့စဉ်နဲ့အမျှ ရွေ့ပြောင်းနေကြတာကို တွေ့မြင်နေရပါတယ်။ ဒီရွေ့ပြောင်းလာသူ အများစုဟာ ဒါကာမြို့တော်ရဲ့ လူဦးရေအထူထပ်ဆုံး နေရာတစ်ခုဖြစ်ပြီး ညစ်ပတ်နံစော်နေတဲ့ ကျူးကျော်ရပ်ကွက်တွေနဲ့ ပြည့်နှက်နေတဲ့Korail မှာအခြေချနေထိုင်နေကြပါတယ်။ ဒီလိုမျိုး နေ့စဉ်နဲ့အမျှ ပြောင်းရွေ့အခြေချလာတဲ့ လူတွေနဲ့ တစတစပြည့်ကျပ်လာနေတဲ့ မြို့တော်ဒါကာဟာ လူတွေကို လုံလုံလောက်လောက် နေရာချထားနိုင်တဲ့ အနေအထားမှာ မရှိတော့ပါဘူး။ အဲဒါကြောင့် ဘင်္ဂလာဒေ့ရ်ှအစိုးရဟာ ဒါကာမှာ နေထိုင်ကြသူတွေအတွက် နေ့စဉ်လိုအပ်တဲ့ စည်ပင်သာယာ ၀န်ဆောင်မှုတွေအတွက် အခြေခံအဆောက်အအုံတွေ တည်ဆောက်ဖို့တောင်မှ မချိမဆန့်ရုန်းကန်နေရတဲ့ အနေအထားကို ရောက်ရှိနေပြီဖြစ်ပါတယ်။ တနေ့တခြား တိုးတက်လာနေတဲ့ ကမ္ဘာပေါ်မှာ တခြားနိုင်ငံတွေရဲ့ လူနေမှုအဆင့်အတန်းကို လိုက်မှီဖို့အတွက်  ဘင်္ဂလားဒေ့ရ်ှနိုင်ငံအနေနဲ့ ယခုအချိန်မှာ နည်းစနစ်အသစ်တွေနဲ့ ပြုပြင်ပြောင်းလဲဖို့ကြိုးစားမယ်ဆိုရင်တောင်မှ နိုင်ငံတ၀ှန်းလုံးမှာ နေ့စဉ်ဖြစ်ပျက်နေတဲ့ သောင်းခြောက်ထောင်သော ပြဿနာတွေကို ပြေလည်အောင်ဖြေရှင်းဖို့ဆိုတာ ခန့်မှန်းလို့မရတဲ့ အချိန်အတိုင်းအတာတစ်ခု ယူရမှာဖြစ်ပြီး ဖြစ်နိုင်ခြေ အလွန်နည်းပါးတဲ့ အနေအထားမှာ ရောက်နေပြီဖြစ်ပါတယ်။အကြပ်အတည်းကာလပေါင်း မြောက်မြားစွာကို နှစ်စဉ်ဖြတ်သန်းလာရတဲ့ ဘင်္ဂလားဒေ့ရ်ှနိုင်ငံရဲ့ ရပ်တည်မှုဟာ တစ်နှစ်ထက်တစ်နှစ် ကျဉ်းမြောင်းလာနေတာတော့ အမှန်ပါပဲ။

သံချပ်

ပုံစံလည်းရ ရေးနည်းပြ

၁။တခြားသီချင်း-အကြားမှာ၊ ညှပ်ဆိုရပါ-သံချပ်တဲ့ဟဲ့။
၂။အတိုင်အဖောက်-တစုံကို၊ တပုဒ်ခေါ်ဆို-မှတ်ကြလေကွဲ့။
၃။အတိုင်လေး,သုံး-နှစ်ဖို့ဝေ၊ ဂရုဆုံးစေ-ဖောက်နှင့်စပ်ဖို့။
၎။အဖောက်ရှစ်လုံး-လေးစီသာ၊ ခွဲ၍စီပါ-လဟုဆုံးရ။
၅။အတိုင်အဖောက်-ထိုနှစ်လီ၊ ကာရန်မညီ-ဓိပ္ပါယ်စပ်တဲ့။  

မျိုးစောင့်တရား

မျိုးစောင့်တရား

 

အမျိုးသီလ  နှစ်ဌာနကို

ပြည့်ဝမဏ္ဍိုင်  စောင့်စွမ်းနိုင်သည့်

ရက္ခိုင်နာမ  ဘွဲ့ မည်လှဖြင့်

အနွတ္တသညာ ခေါ်အပ်ရာတည်း

 ရခိုင်ဆိုသည်မှာအမျိုးကိုစောင့်ထိန်းသူ၊ကိုယ်ကျင့်တရားကို ကောင်းမွန်စွာစောင့်ထိန်းသူဟု မော်ကွန်းလင်္ကာက ဆိုထားသည်။ သို့ဖြစ်ရာ ရခိုင်လူမျိုးတို့အနေဖြင့် မိမိတို့၏ မျိုးရိုးဂုဏ်သိက္ခာ အစဉ်အလာကို ကိုယ်ကျင့်တရားကောင်းမွန်စွာဖြင့် ထိန်းသိမ်းစောင့်ရှောက်ခြင်း (သို့) မျိုးစောင့်တရားနှင့် ပြည့်စုံမှသာလျှင် ရခိုင်ပီသမည်ဖြစ်ကြောင်းကို ရှင်းလင်းစွာ သိရှိနိုင်သည်။