ကောင်းကင်ဘုံရဲ့ အမှောင်ခြမ်း (သို့) ကော့တောင်ကျွန်း မာဖီးယား

ထိုင်းနိုင်ငံရဲ့ ကမ္ဘာလှည့်ခရီးသွားလုပ်ငန်းဟာ အာရှတိုက်မှာ နာမည်အကြီးဆုံးလို့ ပြောလို့ရမယ် ထင်ပါတယ်။ သာယာလှပတဲ့ ကမ်းခြေတွေ၊ အရှေ့တောင်အာရှကို ကိုယ်စားပြုနိုင်တဲ့ ရသာကောင်းမွန်လှတဲ့ စားသောက်ဖွယ်ရာတွေ၊ လွတ်လပ်ပွင့်လင်းတဲ့ လိင်ဖျော်ဖြေရေးလုပ်ငန်းတွေ၊ လွယ်လင့်တကူ ၀ယ်ယူနိုင်တဲ့ မူးယစ်ဆေးဝါးတွေ၊ တခြားနိုင်ငံတွေထက်စာရင် အစစအရာရာ ဈေးနှုန်းသက်သာမှု စတဲ့အချက်တွေဟာ ထိုင်းနိုင်ငံကို နှစ်စဉ်ကြိတ်ကြိတ်တိုး ၀င်လာနေတဲ့ တိုးရစ်တွေအတွက် အဓိကဆွဲဆောင်မှု ဖြစ်နေပါတယ်။ အနောက်နိုင်ငံသား အဖြူတွေအပေါ် တခြားလူမျိုးတွေထက် ပိုပြီး ဖော်ရွေရင်းနှီးလိုတဲ့ ထိုင်းလူမျိုးတွေရဲ့ စရိုက်ကြောင့်လည်း ထိုင်းနိုင်ငံဟာ အနောက်နိုင်ငံသားတွေအတွက် Paradise တစ်ခုလို ဖြစ်နေခဲ့ပါတယ်။ ထိုင်းနိုင်ငံအကြောင်း ထဲထဲဝင်ဝင် မသိသေးသရွေ့ကတော့ လူတော်တော်များများရဲ့ စိတ်ထဲမှာ ထိုင်းနိုင်ငံဟာ တိုးရစ်တွေအတွက် အိပ်မက်ထဲက ကောင်းကင်ဘုံတစ်ခုအဖြစ် တည်ရှိနေအုန်းမှာပါပဲ။ ဒီဆောင်းပါးမှာ လူအများစု ကောင်းကင်ဘုံလို့ ထင်မှတ်တဲ့ နေရာထဲက အမှောင်ခြမ်း သို့မဟုတ် လူအများစု မသိသေးတဲ့ ထိုင်းနိုင်ငံရဲ့ ဒုစရိုက်လောကအကြောင်းကို တင်ပြသွားမှာဖြစ်ပါတယ်။

အားလုံးသိကြတဲ့အတိုင်း ပြီးခဲ့တဲ့ ရက်ပိုင်းတုန်းက ထိုင်းနိုင်ငံ ကော့တောင်ကျွန်းမှာ အလုပ်လုပ်နေတဲ့ မြန်မာအလုပ်သမားလေးနှစ်ဦးဟာ ဗြိတိန်နိုင်ငံသား တိုးရစ်နှစ်ဦးကို မုဒိန်းကျင့်သတ်ဖြတ်မှုနဲ့ သေဒဏ်ချမှတ်ခံခဲ့ရပါတယ်။ လူစားထိုးဖမ်းဆီးခြင်းလို့ သံသယဖြစ်စရာ အချက်အလက်ပေါင်းများစွာနဲ့ စီရင်ချက်ချဖို့ရာ တစ်နှစ်ကျော်ကြာမြင့်ခဲ့တဲ့ ဒီလူသတ်မှုဟာ စီရင်ချက်ချပြီးတဲ့အချိန်ထိ ထိုင်းနိုင်ငံရဲ့ တရားစီရင်ရေးမဏ္ဍိုင်ကို မေးခွန်းထုတ်စရာ တပုံကြီးကျန်ရှိစေခဲ့ပါတယ်။ ဘာကြောင့်ပါလဲ။

ထိုင်းနိုင်ငံအကြောင်းကို ပြောကြတဲ့အခါ လူတော်တော်များများ မသိသေးလို့ မပြောဖြစ်တဲ့ အချက်တစ်ခုကတော့ ထိုင်းလို Chao Pho “เจ้าพ่อ”လို့ခေါ်တဲ့ ကော့တောင်ကျွန်းအပါအ၀င် ထိုင်းပင်လယ်ကွေ့ထဲက ကမ်းခြေတွေမှာ ကျက်စားနေတဲ့ မာဖီးယားတွေ အကြောင်းပဲဖြစ်ပါတယ်။ Chao Pho (သို့) Jao Poh တွေဟာ ဟန်တရုတ်အနွယ်တွေဖြစ်ပြီး အဲဒီဒေသမှာ စီးပွားရေးလုပ်ငန်းတွေကို တရားဝင်ရော၊ တရားမ၀င်ပါ ဂိုဏ်းဖွဲ့လုပ်ကိုင်နေသူတွေ ဖြစ်ကြပါတယ်။ သူတို့မှာ ကိုယ်စီကိုယ်ငှ အသိုင်းအ၀ိုင်းနဲ့ နောက်လိုက်နောက်ပါတွေ ရှိကြပါတယ်။ အစိုးရပိုင်းက အာဏာရှိတဲ့လူတွေ၊ ရဲအရာရှိတွေအပါအ၀င် ဌာနဆိုင်ရာတွေကို ခါးပိုက်ထဲ ထည့်ထားသူတွေ ဖြစ်ပြီး ဒေသတွင်း အုပ်ချုပ်ရေးကို ၀င်ရောက်စွက်ဖက်နိုင်စွမ်း ရှိသူတွေဖြစ်ကြပါတယ်။ ဒါ့အပြင် ထိုင်းနိုင်ငံလွှတ်တော် ရွေးကောက်ပွဲတွေမှာပါ ငွေထုတ်ပစ်ပြီး ထိုးဖောက်ခြယ်လှယ်နိုင်သူတွေ ဖြစ်ပါတယ်။ အဲဒီ Chao Pho ဂိုဏ်းတွေဟာ ထိုင်းနိုင်ငံတွင်းမှာ စုစုပေါင်း ၃၉ ဂိုဏ်းရှိတယ်လို့ သိရပါတယ်။ သူတို့ဟာ တရားဝင်စီးပွားရေးလုပ်ငန်းတွေကနေ ၀င်ငွေအများအပြား ရရှိနေသလို ပြည့်တန်ဆာ၊ မူးယစ်ဆေးဝါး၊ လူကုန်ကူးခြင်းနဲ့ တရားမ၀င် လောင်းကစားလုပ်ငန်းတွေကနေ ၀င်ငွေအများအပြား ရရှိနေပါတယ်။ သူတို့ဟာ မြန်မာပြည်အခြေစိုက် United Wa State Army (၀ပြည်သွေးစည်းညီညွတ်ရေး တပ်မတော်)ရဲ့ အဖွဲ့ဝင်ဖြစ်တဲ့ Red Wa တွေနဲ့ တရားမ၀င် မူးယစ်ဆေးဝါး ကုန်သွယ်မှုတွေကို ပူးပေါင်းလုပ်ဆောင်နေတယ်လို့ သိရပါတယ်။

ကော့တောင်ကျွန်းရဲ့ သမိုင်းအကျဉ်း

တချိန်က လိပ်ကျွန်း(၀ါ) ကော့တောင်ကျွန်းဟာ ခုခေတ်မြင်နေရတာနဲ့ တခြားစီဖြစ်ပါတယ်။ အဲဒီကျွန်းဟာ မလေးလူမျိုး တံငါသည်တွေအတွက် ပင်လယ်ထဲ တထောက်နားစရာ နေရာတစ်ခုအဖြစ် ရာစုနှစ်ပေါင်းများစွာ တည်ရှိနေခဲ့ပါတယ်။ ခရစ်သက္ကရာဇ် ၁၈၀၀ ခုနှစ်ဝန်းကျင်လောက်ထိ ကျွန်းပေါ်မှာ လူနေအိမ် အနည်းငယ်ပဲ ရှိခဲ့ပါတယ်။ ၁၈၉၀ခုနှစ်လောက်မှာတော့ ထိုင်းနိုင်ငံရဲ့ အထင်ရှားဆုံးဘုရင် ချူလာလောင်ကွန်ဟာ ကော့တောင်ကျွန်းကို တိုင်းခန်းလှည့်လည်ခဲ့လို့ သူလာရောက်ခဲ့တဲ့ အထိမ်းအမှတ်နေရာကို လူသတ်မှုဖြစ်ပွားရာ AC Bar တည်ရှိတဲ့ Sairee ကမ်းခြေမှာ တည်ဆောက်ထားတာကို တွေ့နိုင်ပါတယ်။ ချူလာလောင်ကွန်လာရောက်လည်ပတ်ပြီး နောက်ပိုင်းမှာလည်း ၁၉၃၂ခုနှစ်အထိ ကော့တောင်ကျွန်းဟာ သာမန်တံငါရွာလေးတစ်ရွာအဖြစ် ဆက်လက်တည်ရှိနေခဲ့ပါတယ်။ ၁၉၃၂ခုနှစ် နောက်ပိုင်းမှာ ထိုင်းနိုင်ငံရေး အပြောင်းအလဲတွေ ဖြစ်ပြီး ကော့တောင်ကျွန်းဟာ နိုင်ငံရေးအကျဉ်းသားများကို တကျွန်းပို့တဲ့ နေရာတစ်ခုအဖြစ် ၁၉၄၇ခုနှစ်အထိ တည်ရှိနေခဲ့ပါတယ်။ ဒီကာလတွေဟာ ကော့တောင်ကျွန်းကို ထိုင်းပြည်မကြီးကလူတွေ ပထမဆုံးလာရောက်နေထိုင်တဲ့ အချိန်ကာလ ဖြစ်ခဲ့ပါတယ်။ ၁၉၄၇ခုနှစ်မှာတော့ ကော့တောင်ကျွန်းက တကျွန်းစံ နိုင်ငံရေးအကျဉ်းသားတွေကို လွတ်ငြိမ်းချမ်းသာခွင့်ပေးလိုက်လို့ အလျှိုလျှို ပြန်ထွက်သွားကြရင်း ကော့တောင်ကျွန်းဟာ နဂိုမူလအတိုင်း တိတ်ဆိတ်တဲ့ တံငါရွာလေး ပြန်ဖြစ်သွားခဲ့ရပါတယ်။

တချိန်က ကော့တောင်ကျွန်း

ဘုရင်ချူလာလောင်ဂွန် အထိမ်းအမှတ် ရုပ်ထု

ဗီယက်နမ်စစ်ပွဲဖြစ်ပွားတဲ့အချိန်မှာတော့ အရှေ့တောင်အာရှကို ရောက်လာတဲ့ အမေရိကန်စစ်သားတွေကြောင့် ၁၉၆၀နဲ့ ၁၉၇၀ ခုနှစ်အတွင်းမှာ ထိုင်းနိုင်ငံရဲ့ ခရီးသွားလုပ်ငန်းဟာ တဟုန်ထိုး တိုးတက်လာခဲ့ပါတယ်။ နယ်မြေသစ် ရှာဖွေတဲ့ ခရီးသွားတွေဟာ ဝေးလံသီခေါင်လှတဲ့ ထိုင်းပင်လယ်ကွေ့ထဲက ကော့စမွီ၊ ကော့ပငန်းနဲ့ ကော့တောင်ကျွန်းတွေဆီကို ၁၉၈၀ခုနှစ်လောက်မှာ ဆိုက်ရောက်လာခဲ့ပြီး Scuba Diving လုပ်ဖို့ အကောင်းဆုံးနေရာတွေကို ရှာဖွေတွေ့ရှိခဲ့ကြပါတယ်။ အဲဒီကနေ ကော့တောင်ကျွန်းဟာ သာမန်တံငါရွာလေးဘ၀ကနေ ကမ္ဘာကျော်အပန်းဖြေစခန်းတစ်ခုဖြစ်လာပြီး ပြောင်းရွေ့အခြေချသူတွေ တစတစ များပြားလာခဲ့ပါတယ်။ စားသောက်ဆိုင်တွေ၊ ဘားတွေ၊ နိုက်ကလပ်တွေ၊ Scuba Diving Boat စခန်းတွေ တစ်နှစ်ထက်တစ်နှစ် ပိုများလာပြီး တချိန်က နယ်ခံလူတွေ အခြေချနေထိုင်ခဲ့တဲ့ ကျွန်းပေါ်က ရေချိုထွက်ရာ နေရာအများဆုံးရှိတဲ့ Chalok Ban Kao ဟာ ခုချိန်မှာ အလုပ်သမားလူတန်းစားတွေ အများဆုံးနေထိုင်ရာ ရပ်ကွက်တစ်ခုဖြစ်လာပြီး ကျွန်းပတ်ပတ်လည် ကမ်းခြေတွေမှာတော့ အပန်းဖြေစခန်းတွေ အမြောက်အမြားနဲ့ စည်ကားလာခဲ့ပါတယ်။ (Chalok Ban Kao ဟာ ထိုင်းနိုင်ငံမှာ စာရေးသူ အကြာမြင့်ဆုံး နေထိုင်ခဲ့တဲ့ နေရာတစ်ခုဖြစ်ပါတယ်)။

ကော့တောင်ကျွန်းကို ပိုင်စိုးသူများ

ထိုင်းနိုင်ငံရဲ့ ဥပဒေဟာ စာရွက်ပေါ်မှာတော့ Lèse majesté လို ထိုင်းဘုရင်မိသားစုနဲ့ သက်ဆိုင်တဲ့ ဥပဒေမျိုးကလွဲရင် နိုင်ငံတကာအဆင့်အတန်းနဲ့ ကိုက်ညီကောင်းကိုက်ညီပါလိမ့်မယ်။ ဒါပေမယ့် တရားဥပဒေစိုးမိုးရေးကို လုပ်ဆောင်တဲ့နေရာမှာတော့ ကိုယ့်ဖက်ကိုယ် အလွန်ယက်တဲ့ အလွန့်အလွန်မမျှတတဲ့ လုပ်ဆောင်ချက်မျိုးတွေကို နိုင်ငံအနှံ့မှာ တွေ့ရပါလိမ့်မယ်။ အဲဒီလိုစနစ်မျိုးအောက်မှာ ထိုင်းနိုင်ငံတွင်း Chao Pao မာဖီးယားဂိုဏ်းတွေ ခေါင်းထောင်နိုင်တာဟာ မထူးဆန်းဘူးလို့ ပြောလို့ရမယ်ထင်ပါတယ်။ Chao Pho မာဖီးယားဂိုဏ်းတွေထဲက ကော့တောင်ကျွန်းမှာ ဗိုလ်ကျစိုးမိုးနေတဲ့ မိသားစုငါးခုရှိပါတယ်။ အဲဒီကျွန်းနဲ့ပတ်သက်ပြီး တစ်ခုခုလုပ်ချင်ရင် အဲဒီမာဖီးယားမိသားစု ငါးခုနဲ့ မပတ်သက်ပဲ နေလို့ကို မရပါဘူး။ ကော့တောင်ကျွန်းမှာ အရှည်လျားဆုံး ကမ်းခြေဖြစ်တဲ့ ခု လူသတ်မှုဖြစ်ပွားရာ Sairee ကမ်းခြေကို မိသားစု ငါးခုထဲက သုံးခုက ထိန်းချုပ်ထားပါတယ်။ ကျန်တဲ့နှစ်စုကတော့ Chalok Ban Kao အပါအ၀င် တခြားနေရာတွေကို ထိန်းချုပ်ထားပါတယ်။ Sairee ကမ်းခြေကို ထိန်းချုပ်ထားတဲ့ မိသားစုသုံးစုထဲမှာ AC ဘားပိုင်ရှင် မိသားစုဟာ ပါဝါအကြီးဆုံးပါပဲ။ အဲဒီဘားပိုင်ရှင်ကို မြန်မာရွေ့ပြောင်းအလုပ်သမားတွေက ကျွန်းသူကြီးလို့ ခေါ်ကြပါတယ်။ ဒီမိသားစုတွေဟာ ကော့တောင်ကျွန်းရဲ့ ခရီးသွားလုပ်ငန်း အစပိုင်းကာလတွေမှာ ကျွန်းကို ပထမဆုံး ပြောင်းရွေ့အခြေချလာခဲ့တဲ့လူတွေရဲ့ မျိုးဆက်တွေဖြစ်ကြပါတယ်။ ဥပဒေအရကတော့ သူတို့ဟာ မြေပိုင်ရှင်တွေမဟုတ်ကြပါဘူး။ ထိုင်းနိုင်ငံရဲ့ ရေမြေတောတောင်အကုန်လုံးကို ထိုင်းဘုရင်မင်းမြတ်ကပဲ ပိုင်ဆိုင်ပါတယ်။ ဒါပေမယ့် သူတို့ဟာ အင်မတန်နည်းပါးလှတဲ့ မြေငှားခနဲ့ ကျွန်းပေါ်က နေရာအားလုံးနီးပါးကို ငှားရမ်းပိုင်ဆိုင်ခွင့် ရရှိထားသူတွေ ဖြစ်ကြပါတယ်။ နောက်မှရောက်လာတဲ့ လုပ်ငန်းရှင်တွေဟာ သူတို့ထံကနေ တဆင့် ပြန်လည်ငှားရမ်းလုပ်ကိုင်ရလို့ ဘယ်သူမှ သူတို့ကို ပြန်မလှန်ရဲကြပါဘူး။ တရားဝင်မြေငှားရမ်းခအပြင် လုပ်ငန်းအဆင်ပြေချောမွေ့ဖို့ရာ သူတို့ကို တံစိုးလက်ဆောင်တွေ အလျဉ်းသင့်သလို ပေးကမ်းကြရပါတယ်။ ဒါပေမယ့် ထိုင်းရဲချုပ် Somyot ကတော့ ဒီကျွန်းပေါ်မှာ မာဖီးယားတွေ မရှိဘူး၊ တကယ်လို့ ရှိခဲ့ရင် ဒေသခံတွေနဲ့ ရဲတွေက ခုလောက်ဆို သူ့ကိုသတင်းပို့ပြီးနေလောက်ပြီလို့ ဗြောင်ငြင်းသွားပါတယ်။

အဲဒီမိသားစုတွေဟာ အကုန်လုံးအမျိုးတွေ ပတ်တော်နေပေမယ့် တစ်ဖွဲ့နဲ့တစ်ဖွဲ့ မတည့်ကြပါဘူး။ အမြဲလိုလို ပြိုင်ဆိုင်မှုတွေ ရှိခဲ့ပြီး ပြဿနာတွေလည်း အများကြီးတက်ခဲ့ဖူးပါတယ်။ ဒီမာဖီးယားမိသားစုတွေအပြင် ကော့တောင်ကျွန်းမှာ ပါဝါရှိတဲ့ ဒုစရိုက်အုပ်စုတစ်ခု ရှိနေပါသေးတယ်။ အဲဒါကတော့ ကော့တောင်ကျွန်းအခြေစိုက် ထိုင်းရဲတပ်ဖွဲ့ပဲဖြစ်ပါတယ်။ ကျွန်းပေါ်မှာ ဖြစ်ပျက်နေတဲ့ ဒုစရိုက်မှုမှန်သမျှ လစဉ်ကြေးယူပြီး ဘာမှအရေးမယူပဲ ထိုင်ကြည့်နေတဲ့ ထိုင်းရဲဌာနဟာ မာဖီးယားမိသားစုတွေနဲ့ အပေးအယူမျှသလောက် တခြားလူတွေအပေါ်မှာ အမြဲလိုလို ဗိုလ်ကျအနိုင်ကျင့်တတ်ပါတယ်။ အထူးသဖြင့် နိုင်ငံခြားသားတိုးရစ်တွေနဲ့ မြန်မာရွေ့ပြောင်းအလုပ်သမားတွေအပေါ် အမြဲတမ်းခြိမ်းခြောက်ငွေညှစ်လေ့ ရှိပါတယ်။ အဲဒီလုပ်ရပ်မျိုးတွေကြောင့် ၂၀၀၇ခုနှစ် Global Corruption Barometer မှာ ထိုင်းရဲတွေဟာ ငါးယောက်မှာ လေးယောက်က အလွန်အကျွံ အကျင့်ပျက်ခြစားတယ်လို့ ဖော်ပြခံခဲ့ရပါတယ်။

ကော့တောင်ကျွန်းပေါ်က မူးယစ်ဆေး ရောင်းဝယ်ဖောက်ကားမှု

ကော့တောင်ကျွန်းမှာ နေရာတိုင်းလိုလို အလွယ်တကူ ၀ယ်ယူလို့ ရနိုင်တာက မူးယစ်ဆေးဝါးပဲ ဖြစ်ပါတယ်။ ဘားတော်တော်များများမှာ ဆေးခြောက်ရှူလို့ရပြီး ဆေးခြောက်ကို ဟင်းခတ်အမွှေးအကြိုင်အနေနဲ့ ထည့်သွင်းချက်ပြုတ်ထားတဲ့ ဟင်းလျာတွေကို မီနူးဆိုင်းဘုတ်ပေါ်မှာ ပေါ်တင်ကြော်ငြာပြီး ရောင်းတဲ့ စားသောက်ဆိုင်တွေလည်း အများအပြားရှိနေပါတယ်။ Ice လို့ခေါ်တဲ့ မူးယစ်ဆေးနဲ့ ယာဘားစိတ်ကြွဆေးတွေအပြင် အနောက်နိုင်ငံသားတွေ အသုံးများတဲ့ ကိုကင်းကိုပါ ကော့တောင်ကျွန်းက ဘားဆိုင်တွေမှာ အလွယ်တကူ ၀ယ်ယူရရှိနိုင်ပါတယ်။ အဲဒါကြောင့် မူးယစ်ဆေးဝါးရောင်းချလို့ရရှိတဲ့ ငွေတွေဟာ ကော့တောင်ကျွန်းရဲ့ ၀င်ငွေထဲမှာ အဓိကအစိတ်အပိုင်း တစ်ရပ်အနေနဲ့ ရှိနေပြီး မာဖီးယားတွေအတွက်ရော ရဲတွေအတွက်ပါ ငွေရပေါက်တစ်ခု ဖြစ်နေခဲ့ပါတယ်။ လွတ်လွတ်လပ်လပ် စိတ်ထင်တိုင်း ကဲနေတဲ့ တိုးရစ်တွေကို ရှောင်တခင်ခေါ်စစ်ပြီး မူးယစ်ဆေးပါလာတာ ဒါမှမဟုတ် သုံးစွဲထားတာ တွေ့ရင် ရဲတွေက ငွေညှစ်တတ်ပါတယ်။ ဒါဟာ ကော့တောင်ကျွန်းမှာ ခရီးသွားလုပ်ငန်း စတင်ချိန်ကတည်းက ခုချိန်ထိ မပြောင်းလဲသေးတဲ့ အနေအထားတစ်ခု ဖြစ်ပါတယ်။

ဆေးခြောက်

အပျော်စီး ဆိုင်ကယ်ငှားရမ်းမှုလုပ်ငန်း

အပျော်စီးဆိုင်ကယ်ငှားရမ်းရေး လုပ်ငန်းတွေဟာ ကျွန်းပေါ်မှာ ပြဿနာအများဆုံး လုပ်ငန်းတွေဖြစ်ပါတယ်။ ဒီလုပ်ငန်းတွေကို မာဖီးယားတွေရဲ့ လက်ဝေခံလုပ်ငန်းရှင်တွေ တည်ထောင်ထားတာဖြစ်ပြီး ပြဿနာတက်တိုင်း မာဖီးယားတွေက ၀င်ရှင်းလေ့ရှိပါတယ်။ ဆိုင်ကယ်ငှားရမ်းတဲ့ တိုးရစ်တွေဟာ သူတို့ရဲ့ ပတ်စပို့စာအုပ်ကို အပေါင်ထားပြီး ငှားရမ်းကြရပါတယ်။ အဲဒါကြောင့် ဆိုင်ကယ်ငှားရမ်းသူတွေ မတရားလုပ်ဖို့ အကွက်ဆိုက်နေပါတယ်။ ဆိုင်ကယ်ပြန်အပ်တဲ့အချိန် ဆိုင်ကယ်မှာ မငှားခင်ကတည်းက ပါလာတဲ့ ပွန်းရာပဲ့ရာလေးကအစ၊ ငှားရမ်းသူကြောင့် တစ်ခုခုဖြစ်လာတာပဲဖြစ်ဖြစ် လျော်ကြေးကို နင့်နေအောင် တောင်းတတ်ပါတယ်။ မပေးရင် ပတ်စပို့စာအုပ်နဲ့ အကြပ်ကိုင်ပါတယ်။ အဲဒါမှ ဆက်ခေါင်းမာနေရင် ရဲနဲ့မာဖီးယား ရောက်လာပြီး အဲဒီတိုးရစ်ကို ပြဿနာရှာပါလိမ့်မယ်။ အဲဒီလို ပြဿနာမျိုးတွေကြောင့်www.tripadvisor.com လို ကမ္ဘာကျော် ခရီးသွားလုပ်ငန်းဝက်ဆိုက်တွေမှာ ဝေဖန်ချက်တွေ အများကြီး တက်လာခဲ့ပါတယ်။ နောက်တစ်ချက်က ကျွန်းပေါ်မှာ အရမ်းပေါ်ပြူလာဖြစ်တဲ့ လေးဘီးဆိုင်ကယ် ငှားစီးတာဟာလည်း အရမ်းအန္တရာယ်များလှပါတယ်။ တောင်တက်တောင်ဆင်း လမ်းကြမ်းတွေပေါ်မှာ ယာဉ်အာမခံ၊ အသက်အာမခံ၊ ယာဉ်မောင်းလိုင်စင် ဘာတစ်ခုမှမပါပဲ ကြိုက်သလို စီးခွင့်ပြုထားလို့ မတော်တဆ ထိခိုက်ပြီး သေဆုံး ဒဏ်ရာရခဲ့တဲ့ တိုးရစ်တွေ အများကြီးပါပဲ။ ယာဉ်တစ်ခုခု ဖြစ်တာပဲဖြစ်ဖြစ်၊ လူတစ်ခုခုဖြစ်တာပဲဖြစ်ဖြစ် တိုးရစ်တွေဖက်ကပဲ ကုန်ကျခံရပါတယ်။

ကျွန်းပေါ်က အကြမ်းဖက်ရာဇ၀တ်မှုများ

၁။ ဘားပိုင်ရှင်တစ်ယောက်ဟာ စီးပွားရေးကိစ္စ ပြဿနာတစ်ခုကြောင့် ညဖက် လူမြင်ကွင်းမှာ ပစ်သတ်ခံခဲ့ရပါတယ်။ မျက်မြင်သက်သေ အများအပြားရှိပေမယ့် ဒီအမှုဟာ ခုချိန်ထိ မပေါ်သေးပါဘူး။ သေဆုံးသူပိုင်ဆိုင်ခဲ့တဲ့ ဘားဟာလည်း ခုချိန်မှာ အရင်ပိုင်ရှင်နဲ့ မသက်ဆိုင်တဲ့ တခြားတစ်ယောက်က ဦးစီးလုပ်ကိုင်နေတာကို တွေ့ရပါတယ်။ လူသတ်သမားဟာ ခုချိန်ထိ ကျွန်းပေါ်မှာပဲ ရှိနေပြီး ဘားပိုင်ရှင်တစ်ယောက်ဖြစ်တယ်လို့ သိရပါတယ်။

၂။ ၂၀၀၂ခုနှစ်တုန်းက ကျွန်းပေါ်မှာ အချမ်းသာဆုံး လုပ်ငန်းရှင်တွေထဲက တစ်ယောက်ဖြစ်တဲ့ Ban’s Diving School ပိုင်ရှင်ဖြစ်သူ ကျွန်းသူကြီး Virat Asavachin (ဥက္ကဌ Tambon Koh Tao Administrative Association ) ဟာ Sairee ကမ်းခြေမှာ ပစ်သတ်ခံခဲ့ရပါတယ်။ သူ့ရဲ့ Diving School ဟာ ဘတ်သန်းတစ်ရာခန့် တန်ဖိုးရှိပြီး တခြားလုပ်ငန်းတွေလည်း အများအပြားပိုင်ဆိုင်ခဲ့ပါတယ်။ ဒီလူသတ်မှုဟာ မာဖီးယားမိသားစုတွေကြားမှာ အာဏာသိမ်းမှုတစ်ခုလို့ ပြောလို့ရမယ် ထင်ပါတယ်။ ခုချိန်ထိ အဲဒီအမှုဟာလည်း လက်သည်မပေါ်နိုင်သေးပါဘူး။ အဲဒီအမှုဟာ ဗန်ကောက်ပို့စ်သတင်းစာမှာ ဖော်ပြခံရတဲ့အထိ နာမည်ကြီးခဲ့ပါတယ်။ သူ့ရဲ့အလောင်းကို ခုချိန်ထိ မီးမသင်္ဂြိုလ်ပဲ အအေးခန်းနဲ့ထားတယ်လို့ ကျွန်းပေါ်ကလူတွေ ပြောကြပါတယ်။

၃။ Mae Haad ကမ်းခြေမှာ တက္ကစီသမားတစ်ယောက်က တခြားတက္ကစီသမားတစ်ယောက်ကို ခရီးသည်လုရင်း စကားများလို့ လူမြင်ကွင်းမှာ ဓားနဲ့ထိုးခဲ့ပါတယ်။ ဒါပေမယ့် အဖမ်းမခံခဲ့ရပါဘူး။ ကျွန်းပေါ်က တက္ကစီတွေအကုန်လုံးကို မာဖီးယားမိသားစုနှစ်ခုက ပိုင်ဆိုင်ပြီး တခြားလုပ်ငန်းရှင်တွေကို လုပ်ကိုင်ခွင့်မပေးပဲ မတန်တဆဈေးနဲ့ ပြေးဆွဲလျှက် ရှိနေပါတယ်။

၎။ မာဖီးယားတွေနဲ့ အဆင်မပြေတဲ့ ပြင်ပကလာရောက်လုပ်ကိုင်တဲ့ လုပ်ငန်းရှင်တွေဟာ သေနတ်နဲ့ခြိမ်းခြောက် နှင်ထုတ်ခံရတာစတဲ့ ဖြစ်ရပ်တွေကို ကြုံတွေ့ခဲ့ရပါတယ်။

၅။ ကနေဒါနိုင်ငံသား ဘားမန်နေဂျာတစ်ယောက်ရဲ့ ဇနီးဟာ မုဒိန်းကျင့်ပြီး လည်လှီးသတ်ဖြတ်ခံခဲ့ရပါတယ်။ အဲဒီအမှုဟာလည်း တိုင်ကြားတဲ့အဆင့်ထိ မရောက်လိုက်ပဲ လက်စဖျောက်ခံခဲ့ရပါတယ်။

Ban’s Diving School ပိုင်ရှင်အမှု အပါအ၀င် ထိုင်းနိုင်ငံမှာ လက်စဖျောက် ဒါမှမဟုတ် လူစားထိုးခံရတဲ့ အမှုတချို့နဲ့ ပတ်သက်ပြီး ဗန်ကောက်ပို့စ်သတင်းစာဆောင်းပါးကိုhttp://www.bangkokpost.com/print/43... မှာ ဖတ်ရှုနိုင်ပါတယ်။

မှီငြမ်း - Mikee: The Dark Side of Thailand’s Island Paradise

ဘွရှင် (ဒီဇင်ဘာ ၂၆၊ ၂၀၁၅)