မြန်မာပြည်၏ လက်ရှိအပြောင်းအလဲနှင့်ပတ်သက်၍ ၀ါရင့် သံတမန်ဟောင်းတစ်ဦး၏ အမြင်

မနှစ်က မြန်မာ့နိုင်ငံရေးအပြောင်းအလဲရဲ့ အရုဏ်ဦးကာလမှာ ပထမဦးဆုံး ဘာသာပြန်ခဲ့တဲ့ သတင်းစာဆောင်းပါးတစ်ပုဒ် ဖြစ်ပါတယ်။ မူရင်းစာရေးသူရဲ့ အဲဒီတုန်းကအမြင်ကို မျက်မှောက်ခေတ် မြန်မာ့နိုင်ငံရေး အခင်းအကျင်းနဲ့ နှိုင်းယှဉ်ဆန်းစစ်လေ့လာနိုင်ဖို့ ရည်စူးပြီး ပြန်လည်မျှဝေလိုက်ပါတယ်။

ပြီးခဲ့တဲ့ ရက်သတ္တပတ်ကာလတုန်းက အမေရိကန်ပြည်ထောင်စုဟာ နိုင်ငံခြားရေးဝန်ကြီး ဟီလာရီကလင်တန်ရဲ့ ချစ်ကြည်ရေး အလည်အပတ် ခရီးစဉ်နှင့်အတူ မြန်မာနိုင်ငံနဲ့ ဆက်ဆံရေးစာမျက်နှာ အသစ်တစ်ရပ် ဖွင့်လှစ်ခဲ့ပါတယ်။ သူမရဲ့ခရီးစဉ် အတောအတွင်းမှာ မြန်မာနိုင်ငံရဲ့  ဒီမိုကရေစီပြောင်းလဲမှု ဖြစ်စဉ်တွေနဲ့ ပတ်သက်ပြီး တိုက်တွန်းအားပေးရန်ဆိုတဲ့ ရည်ရွယ်ချက်နဲ့အတူ ဒေသတွင်းသြဇာလွှမ်းမိုးမှုအတွက် အဓိကပြိုင်ဘက်ဖြစ်တဲ့ တရုတ်ပြည်သူ့သမ္မတနိုင်ငံအတွက် အန္တရာယ်ရှိတဲ့ နေရာဝင်ယူမှုကိုပါ တပါတည်းဆောင်ကြဉ်း လာခဲ့တယ်ဆိုရင်လည်း မမှားပါဘူး။

လွတ်လပ်ရေးရပြီးနောက်ပိုင်း နှစ်အနည်းငယ်ကြာတဲ့အချိန်ကစပြီး မြန်မာနိုင်ငံဟာ အဆိုးဝါးဆုံးဖိနှိပ်ချုပ်ခြယ်ပြီး အချင်းချင်းညီညွတ်စွာ အကျင့်ပျက်ခြစားခဲ့ကြတဲ့ လူနည်းစု စစ်ခေါင်းဆောင်တစ်စုကြောင့် အာရှဒေသရဲ့ ပေါင်မုန့်အပြည့်ရှိတဲ့ ခြင်းတစ်ခုအဖြစ်ကနေ ယနေ့အချိန်မှာ ဘာမှမရှိတော့တဲ့ ခြင်းတောင်းခွံတစ်ခုဘ၀ကို ရောက်နေခဲ့ပါပြီ။ အစိုးရရဲ့ဖိနှိပ်ချုပ်ခြယ်အုပ်ချုပ်မှုရဲ့ ရလာဒ်ဟာ ဆယ်စုနှစ်ပေါင်း များစွာကြာတဲ့ ပြည်တွင်းစစ်မီးနှင့်အတူ ဆင်းရဲမွဲတေမှုပျံ့နှံ့ပြီး အင်မတန်ကြီးမားတဲ့ လူ့အခွင့်အရေး ချိုးဖောက်ခြင်းတွေကို ဖြစ်ပေါ်စေခဲ့ပါတယ်။ နိုင်ငံတကာရဲ့ မြန်မာအစိုးရ ကျူးလွန်နေတဲ့ လုပ်ရပ်တွေအပေါ် အရေးယူဆောင်ရွက်ရန် ကြိုးပမ်းအားထုတ်မှုတွေဟာ အာဆီယံအဖွဲ့ဝင်နိုင်ငံတွေရဲ့ သဘောမတူ ကန့်ကွက်မှုနဲ့အတူ အိမ်နီးချင်း အင်အားကြီးနိုင်ငံတွေဖြစ်တဲ့ တရုတ်နဲ့အိန္ဒိယနိုင်ငံတွေရဲ့ ဖေးမမှုတွေကြောင့် ဖနောင့်ကြောဖြတ်ခံထားရတဲ့ ဖ၀ါးနဲ့နင်းခြေနေသလိုပဲ ထိရောက်မှု သိပ်မရှိခဲ့ပါဘူး။ ဘယ်လိုပဲဖြစ်ဖြစ် ခုချိန်မှာတော့ စစ်ဗိုလ်ချုပ်တွေဟာ လူတကာအံသြသင့်စေတဲ့ အပြောင်းအလဲအချို့ကို စတင်ခဲ့ပါပြီ။ အခြေခံဥပဒေအသစ် ပြန်လည်ရေးဆွဲခြင်း၊ ရွေးကောက်ပွဲကျင်းပခြင်းနှင့်အတူ သမ္မတသိန်းစိန်(ဗိုလ်ချုပ်ကြီးဟောင်း) ခေါင်းဆောင်တဲ့ အပြင်ပန်းအရပ်သား အုပ်ချုပ်မှုအသွင်ဆောင်တဲ့ အစိုးရသစ်ဟာ သတင်းနှင့်စာနယ်ဇင်း ထိန်းချုပ်မှုအချို့ကို လျှော့ပေါ့ပေးခြင်း၊ သမဂ္ဂများဖွဲ့စည်းခွင့်ပေးခြင်းနဲ့ နိုင်ငံရေးအကျဉ်းသား ၂၀၀ကျော်ကို လွတ်ငြိမ်းချမ်းသာခွင့်ပြုခြင်း စတာတွေကို လုပ်ဆောင်ခဲ့တာ တွေ့ရပါတယ်။ ပိုမိုသိသာထင်ရှားတဲ့ အချက်ကတော့ မြန်မာပြည်လွတ်လပ်ရေး ဗိသုကာကြီး ဗိုလ်ချုပ်အောင်ဆန်းရဲ့ သမီးဖြစ်သူ နှစ်ပေါင်းများစွာ နေအိမ်အကျယ်ချုပ်နဲ့ နေထိုင်ခဲ့ရသူ၊ မြန်မာပြည်သူလူထုရဲ့သူရဲကောင်းအဖြစ် သတ်မှတ်ခံထားရသူ၊ စစ်အုပ်စုရဲ့ အခါးသီးဆုံးမွေးရာပါပြိုင်ဘက်၊ နိုဘယ်ငြိမ်းချမ်းရေးဆုရှင် ဒေါ်အောင်ဆန်းစုကြည်ကို နေအိမ်အကျယ်ချုပ်ကနေ လွှတ်ပေးလိုက်ခြင်းပါပဲ။ ဒီဖြစ်စဉ်ဟာ စစ်ဗိုလ်ချုပ်များရဲ့ အကျိုးစီးပွားမျှော်ကိုးမှု၊ မဟာဗျူဟာမြောက် နိုင်ငံရေးအမြတ်ထုတ်လိုခြင်းနဲ့ နိုင်ငံစီးပွားရေးအခြေအနေရဲ့ မဖြစ်မနေလုပ်ဆောင်ရမယ့် လိုအပ်ချက်တွေ ရောယှက်နေတယ်လို့ စောင့်ကြည့်လေ့လာသူများက ဆိုကြပါတယ်။ အနောက်အုပ်စုရဲ့ စီးပွားရေးပိတ်ဆို့ အရေးယူမှုဟာ  မြန်မာနိုင်ငံရဲ့ ကြွယ်ဝလှတဲ့ သဘာဝအရင်းအမြစ်တွေရှိတဲ့ အစိတ်အပိုင်းတွေကို လောဘကြီးစွာ လိုအပ်နေတဲ့ တရုတ်ပြည်သူ့သမ္မတနိုင်ငံရဲ့ ကိုလိုနီတစ်ခုရဲ့ အခြေအနေမျိုးအဖြစ် သက်ဆင်းစေခဲ့ပါတယ်။  မြန်မာနိုင်ငံရဲ့ ဒီမိုကရေစီ၊ လူ့အခွင့်အရေးနဲ့ ပတ်သက်တဲ့ အကန့်အသတ်နဲ့ အစမ်းသဘော ပြုပြင်ပြောင်းလဲမှုတွေဟာ အမေရိကန်သမ္မတ အိုဘားမားပြောသလို တိုးတက်မှုအတွက် မှိန်ပျပျအလင်းရောင်များ ဖြစ်နေမလား၊ ဒါမှမဟုတ် နိုင်ငံတကာရဲ့ ထင်မြင်ယူဆချက်တွေကို ကျွမ်းကျင်စွာ ကိုင်တွယ်အသုံးချဖို့အတွက် ဖော်ပြထားတဲ့ အခိုးအငွေ့နဲ့ အရိပ်အယောင်တွေပဲ ဖြစ်နေမလား မသဲကွဲသေးပါဘူး။ 1998 နိုဗယ်ဆုရှင်တစ်ဦးဖြစ်တဲ့ Amartya Sen က ခုလိုသတိပေးလိုက်ပါတယ်။ ခုချိန်မှာ အလျှော့ပေးလိုတဲ့ အရိပ်အရောင်ပြလာတဲ့ မြန်မာနိုင်ငံရဲ့ ကာလတာရှည် ဆိုးဝါးစွာတည်ရှိနေခဲ့တဲ့ အနေအထားဟာ အကောင်းမြင်သူတွေရဲ့ စိတ်အားထက်သန်စွာ ရင်တဖိုဖိုမျှော်လင့်နေတဲ့ အနေအထားကို စာနာထောက်ထားမှု နည်းနည်းလေးပဲ ပြပြီး တားဆီးပိတ်ပင်လိုက်သလို ဖြစ်သွားတယ်လို့ သူကဆိုပါတယ်။ သူ့ရဲ့ထင်မြင်ယူဆချက်ဟာ ကျိုးကြောင်းညီညွတ်တယ်လို့ ပြောလို့ ရပါတယ်။ ခုချိန်ထိ ပျံ့နှံ့နေတဲ့ စနစ်တကျ လူ့အခွင့်အရေး ချိုးဖောက်မှုတွေဟာ မလျှော့သေးတဲ့အပြင် ရာပေါင်းများစွာရှိတဲ့ နိုင်ငံရေးအကျဉ်းသားတွေဟာလည်း အကျဉ်းထောင်တွေထဲမှာ အကျဉ်းကျခံနေရတုန်းပါပဲ။ နောက်ပြီး အာဏာပိုင်တွေက တိုင်းရင်းသားတွေကို ထိုးစစ်တွေ နောက်မဆုတ်တမ်း ဆင်နွှဲနေတာတွေဟာ အလျှော့ပေးမယ့် အရိပ်အယောင် လုံးဝမရှိဘူးဆိုတာ သိသာနေပါတယ်။ လွန်ခဲ့တဲ့ မတ်လတုန်းက ကုလသမဂ္ဂ အထွေထွေညီလာခံမှာ မြန်မာ့အရေးကို ဆွေးနွေးကြတဲ့ မြန်မာ့မိတ်ဆွေနိုင်ငံများ ကော်မတီအစည်းအဝေးမှာ မြန်မာနိုင်ငံရဲ့ လက်ရှိအနေအထားနဲ့ ပတ်သက်လို့ လေးနက်စွာ စိုးရိမ်ပူပန်မိတယ် ဆိုတာကို ထုတ်ပြန်ခဲ့ပါတယ်။ ဘယ်လိုပဲဖြစ်ဖြစ် ဒီထုတ်ပြန်ချက်ဟာ ဒေါ်အောင်ဆန်းစုကြည် သို့မဟုတ် စစ်အုပ်စု ဘယ်တုန်းကမှ အလွယ်တကူ ကိုင်တွယ်လို့ မရခဲ့တဲ့သူအတွက် အားပေးမှုတစ်ခု ဖြစ်စေခဲ့ပါတယ်။ သူမဟာ အနောက်အုပ်စုနဲ့ စစ်အုပ်စုများရဲ့ ကစားပွဲမှာ စစ်အုပ်စုတွေဘယ်လိုမှ ကိုယ်စားပြုဝင်မကစားနိုင်တဲ့ ကစားပွဲကို ကြိမ်းသေပေါက် ၀င်နွှဲရမယ့်သူအဖြစ် လက်ရှိအချိန်မှာ အစိုးရရဲ့ ပြုပြင်ပြောင်းလဲရေးတွေကို သတိကြီးကြီးထားပြီး အထောက်အကူပြုတဲ့နေရာကို ရောက်လာနေပါပြီ။ သမ္မတဦးသိန်းစိန်နဲ့ တွေ့ဆုံအပြီးမှာ သမ္မတဟာ ပြုပြင်ပြောင်းလဲရေးအတွက် သူမနဲ့အတူ လက်တွဲလုပ်ကိုင်နိုင်မယ့် လူတစ်ယောက်အဖြစ် ပြည်သူတွေကို အသိပေးခဲ့ပြီးတဲ့နောက် မကြာခင် ကျင်းပမယ့် ကြားဖြတ်ရွေးကောက်ပွဲကို  ၀င်ရောက်ယှဉ်ပြိုင်ရန် ဆုံးဖြတ်ခြင်းဖြင့် ပြုပြင်ပြောင်းလဲရေး လုပ်ငန်းစဉ်တွေထဲကို တရားဝင် ၀င်ရောက်လာခဲ့ပါတယ်။ သူမအနေနဲ့ အာဏာပိုင်တွေရဲ့ အနောက်အုပ်စုနဲ့ ကျယ်ကျယ်ပြန့်ပြန့်  ပြန်လည်စေ့စပ်ဆွေးနွေးလိုတဲ့ ဖြစ်စဉ်တွေအပေါ် အနောက်အုပ်စုက ချက်ချင်းလက်ငင်း လက်ခံလိုက်ရင်ဖြစ်ပေါ်လာမယ့် အကျိုးဆက်တွေနဲ့ ပတ်သက်ပြီး စိုးရိမ်မှုတွေရှိနေပေမယ့် အမေရိကန်နိုင်ငံခြားရေးဝန်ကြီးရဲ့ ခရီးစဉ်ကိုတော့ ကြိုဆိုခဲ့ပါတယ်။ သူမရဲ့လှုပ်ရှားမှုတွေနဲ့ ပတ်သက်ပြီး တစ်ဖက်က ပြန်စဉ်းစားကြည့်ရင် လက်ရှိ နိုင်ငံရေးပထ၀ီရဲ့ ဒီရေတက်ချိန်မှာ သူမအနေနဲ့ ဘယ်လောက်ပဲ မခိုင်မာသေးဘူးလို့ပြောပြော နိုင်ငံရဲ့ ပျောက်ဆုံးနေတဲ့ လွတ်လပ်မှုကိုပြန်ရဖို့အတွက် ရနိုင်သမျှ အခွင့်အရေးတွေကို ဖမ်းဆုပ်မှဖြစ်မယ်လို့ ခံစားမိပုံရတယ်လို့ပဲ ဆိုကြပါစို့ ။ဒါပေမယ့် ဒီအနေအထားဟာ သူမကို စီးပွားရေးပိတ်ဆို့မှုနဲ့ ပတ်သက်ပြီး သဘောထားတင်းမာသူတစ်ယောက်ဖြစ်တယ်လို့ အချိန်ကြာမြင့်စွာ စစ်အုပ်စုနဲ့ တချို့ပုဂ္ဂိုလ်များရဲ့ ဝေဖန်မှုတွေကို လျှော့ပါးသွားစေနိုင်မှာတော့ မဟုတ်ပါဘူး။ တစ်ချိန်တည်းမှာပဲ စစ်ဗိုလ်ချုပ်များဟာ သံတမန်ရေး အသိအမှတ်ပြုခံဖို့အတွက် ရနိုင်သမျှနည်းလမ်းတွေနဲ့ ကျလာသမျှ အပင်ကြွေသစ်သီးတွေကို လိုက်ကောက်နေကြပါတယ်။ ဟီလာရီကလင်တန်ကလည်း အမေရိကန်ပြည်ထောင်စုရဲ့  မြန်မာနိုင်ငံအပေါ် နှစ်ပေါင်းများစွာ ကန့်သတ်ထားတဲ့ စီးပွားရေးဆိုင်ရာ တင်းကြပ်ထားမှုအချို့ကို ဖြေလျှော့ပေးမယ်လို့ ပြောကြားခဲ့သလို နှစ်နိုင်ငံ သံတမန်ဆက်ဆံရေး တိုးမြှင့်ဖို့ကိုပါ လုပ်ဆောင်သွားမယ်လို့ ပြောကြားခဲ့ပါတယ်။ နောက်ပြီး လက်ရှိအချိန်မှာ မြန်မာနိုင်ငံအပေါ် ကူညီထောက်ပံ့မှုတွေ ပြန်လည်ပေးနေပြီဖြစ်တဲ့ ဂျပန်နိုင်ငံရဲ့ နိုင်ငံခြားရေးဝန်ကြီးကလည်း မကြာခင်မြန်မာနိုင်ငံကို အလည်အပတ်သွားရောက်ဖို့ စီစဉ်ထားတယ်လို့ သိရပါတယ်။ ဒီလိုအခြေအနေတွေရဲ့ နောက်မှာ ကမ္ဘာ့ဘဏ်နဲ့ နိုင်ငံတကာငွေကြေးရန်ပုံငွေအဖွဲ့ တွေကလည်း သိပ်မကြာခင်ကာလအတွင်း ပါဝင်လာလိမ့်မယ်လို့ မျှော်လင့်ရပါတယ်။ ဒီအခြေအနေတွေမတိုင်ခင် မြန်မာအစိုးရသစ်အနေနဲ့  ကြီးမားတဲ့ ဆုလာဒ်တစ်ခုကိုတော့ ပထမဆုံး ပိုင်ဆိုင်ခွင့်ရခဲ့ပြီးပါပြီ။ အဲဒါကတော့ ၂၀၁၄ခုနှစ်မှာ အာဆီယံဥက္ကဌရာထူးကို ဆက်ခံဖို့အတွက် အာဆီယံနိုင်ငံများရဲ့ထောက်ခံမှုကို ရရှိခဲ့ခြင်းပဲဖြစ်ပါတယ်။ ဒီဆုလာဒ်ဟာ မြန်မာနိုင်ငံအတွက် သမိုင်းတစ်လျှောက်လုံးမှာ အမေရိကန်သမ္မတအပါအ၀င် အများပြားဆုံး ကမ္ဘာ့ခေါင်းဆောင်အုပ်စုကို ပထမဦးဆုံးအကြိမ် ဧည့်ခံကြိုဆိုခွင့်ရတော့မှာ ဖြစ်ပါတယ်။ဒီအချိန်မှာ စစ်အုပ်စုအနေနဲ့ အာဏာပြန်သိမ်းဖို့ ဆိုတဲ့အချက်ကို အနည်းငယ် လက်လျှော့လိုက်ပြီလား ဆိုတာကို သေချာစဉ်းစားရပါမယ်။ သူတို့ကို နောက်ထပ်အပြစ်မြင်စရာ ဘာတွေများဖြစ်လာနိုင်မလဲ။ နောက်တစ်ချက်က နိုင်ငံတကာအသိုင်းအ၀ိုင်းရဲ့ စေ့စပ်ဆွေးနွေးမှုဟာ အစိုးရကို မှန်ကန်တဲ့ ပြုပြင်ပြောင်းလဲရေး လမ်းကြောင်းပေါ်ကို ရောက်အောင် တွန်းအားပေးနိုင်မလား၊ ဒါမှမဟုတ် အဲဒီစေ့စပ်ဆွေးနွေးမှုဟာ မြန်မာအာဏာပိုင်တွေကို သိမ်းသွင်းရုံမျှသာ ခရီးရောက်ပြီး သူတို့ကပဲ အင်အားကြီးအုပ်စုကို သူတို့ရဲ့ ပြုပြင်ပြောင်းလဲရေးမှာ လက်ဦးမှုယူ အမြတ်ထုတ်သွားမလား။ နိုင်ငံတကာအုပ်စုထဲက အမေရိကန်ပြည်ထောင်စုအနေနဲ့ သူတို့တခြားနိုင်ငံအချို့မှာ မကြာခဏလုပ်လေ့ရှိသလို အကြမ်းဖက်မှုတွေနဲ့ စစ်ပွဲတွေအတောအတွင်းမှာ လူ့အခွင့်အရေး ချိုးဖောက်မှုတွေကို ဘေးချိတ်ထားတာမျိုး မဟုတ်ပဲ နိုင်ငံရေးအမြတ်ထုတ်မှုသက်သက် ပူးပေါင်းဆောင်ရွက်မှု မက်လုံးတွေကို ရှောင်ရှားပြီး တရားမျှတပြီး စစ်မှန်တဲ့ ချဉ်းကပ်မှုမျိုးနဲ့  စစ်အုပ်စုကို ဖိအားပေးနိုင်မလား။ ဟီလာရီကလင်တန်က ထပ်ပြောခဲ့ပါတယ်။ အမေရိကန်ပြည်ထောင်စုအနေနဲ့  မြန်မာနိုင်ငံမှာ လွတ်လပ်မျှတပြီး ဂုဏ်သရေရှိတဲ့ ရွေးကောက်ပွဲမျိုး ကျင်းပတာကို တွေ့ မြင်လိုပါတယ်တဲ့။ ဒါပေမယ့် တခြားအရှေ့တောင်အာရှနိုင်ငံ အမြောက်အမြားမှာလိုပဲ မြန်မာနိုင်ငံရဲ့ ဖိနှိပ်ချုပ်ခြယ်မှုတွေနဲ့ ချို့တဲ့နေတဲ့ လူ့အခွင့်အရေး အခြေအနေတွေကြောင့်  စစ်အာဏာရှင်များရဲ့ စောင့်ကြည့်မှုအောက်မှာ စစ်မှန်တဲ့ရွေးကောက်ပွဲတစ်ခု ဖြစ်ပေါ်လာဖို့ လုံးဝမလွယ်ကူတာကတော့ သေချာပါတယ်။ ဟီလာရီတောင်းဆိုထားသလို မြန်မာနိုင်ငံမှာ နိုင်ငံတကာက လက်သင့်ခံနိုင်လောက်တဲ့ တံခါးပေါက်တစ်ခုအဖြစ် တင်စားထားတဲ့ လွတ်လပ်၊မျှတ၊ဂုဏ်သရေရှိ ရွေးကောက်ပွဲမျိုးကို အာဆီယံအုပ်စုထဲက နိုင်ငံတစ်ဝက်လောက်ဟာ ခုချိန်ထိ မကျင်းပနိုင်သေးပါဘူး။ ဒါ့အပြင် နိုင်ငံရေးအကျဉ်းသားတွေ၊ ငြိမ်းချမ်းစွာ စုဝေးခြင်းအပေါ် ကန့်သတ်ချုပ်ခြယ်ထားတဲ့ ဥပဒေတွေ၊ စာနယ်ဇင်းတွေအပေါ် ဆင်ဆာကန့်သတ်မှုတွေ၊ တရားရင်ဆိုင်ခွင့်မပေးပဲ ဖမ်းဆီးချုပ်နှောင်မှုတွေ၊ မှုခင်းတာဝန်ရှိသူများရဲ့ လူမဆန်မှုတွေဟာ အာဆီယံနယ်နိမိတ်အတွင်းမှာ ၀ါရှင်တန်က တရားဝင်ကန့်ကွက်တာမျိုး တစ်စုံတစ်ရာမရှိပဲ ဆက်လက်ခြစားနေတုန်းပါပဲ။ ခုအချိန်မှာ မျှော်လင့်နိုင်တာ တစ်ခုတည်းရှိပါတယ်။ ဒီနေရာမှာ အင်အားကြီးနိုင်ငံတွေရဲ့ ပြိုင်ဆိုင်မှုတွေကြောင့် စောစောကပြောခဲ့တဲ့ အခြေအနေတွေကို ပိုမိုဆိုးရွားစွာ အကျိုးမသက်ရောက်ခင်မှာ မြန်မာနိုင်ငံမှာ ဒီမိုကရေစီအမြစ်တွယ်ပြီး အာစီယံဒေသတွင်းမှာလည်း တည်ငြိမ်အေးချမ်းမှုတွေ ဖြစ်ပေါ်လာဖို့  မျှော်လင့်မိပါတယ်။

မူရင်း- Dennis Ignatius

Myanmar – Flickers of progress or smoke and mirrors?

http://thestar.com.my/columnists/story.asp?col=diplomaticallyspeaking&file=/2011/12/8/columnists/diplomaticallyspeaking/10036707&sec=Diplomatically%20Speaking

Datuk Dennis Ignatius is a 36-year veteran of the Malaysian foreign service. He has served in London, Beijing and Washington and was ambassador to Chile and Argentina. He was twice Undersecretary for American Affairs. He retired as High Commis­sioner to Canada in July 2008.

                                                                   ငချွန်းယေ(၉.၁၂.၂၀၁၁)

မသိသော စကားလုံးအားလုံးကို အဘိဓာန် လှန်ကြည့်ရုံမှ လွဲ၍၊ နားမလည်သော ၀ါကျအားလုံးကို လူတကာသို့  လိုက်လံမေးမြန်းသည်မှ လွဲ၍၊အထက်ဖော်ပြပါ ဆောင်းပါးအား ပညာရှင်ဆန်ဆန် မှန်မကြည့်ပဲ လက်တန်း တထိုင်တည်း မိုးလင်းပေါက် ဆေးလိပ်တစ်ဗူးကုန်အောင်သောက်၍ ၀ီရိယကြီးစွာ ဘာသာပြန်ဆိုဖော်ပြသည်....ဟီးဟီး