ပလတ်စတစ်များနှင့် ကျွန်တော်တို့ ကမ္ဘာ အပိုင်း(၁)

ပလတ်စတစ်များနှင့် ကျွန်တော်တို့ ကမ္ဘာ အပိုင်း(၁)

                 ၂၀၁၁အကုန် ၂၀၁၂အ၀င် ခရစ်စမတ်နဲ့ နှစ်သစ်ကူးပွဲတော်တွေအပြီးမှာ တန်ချိန်ရာပေါင်းများစွာရှိတဲ့ ခရစ်စမတ်သစ်ပင်တွေဆီမှာ ချိတ်ဆွဲခဲ့တဲ့ အလှအပမီးလုံးလေးတွေ၊ နောက်ပြီး ကြက်ဆင်သားဟင်းပွဲပြင်ဆင်တဲ့ ပစ္စည်းတွေ၊ပုလင်းခွံတွေ၊အရုပ်အကျိုးအပျက်တွေနဲ့ ပွဲတော်မှာသုံးစွဲခဲ့တဲ့ များပြားလှတဲ့ အသုံးအဆောင်ပစ္စည်းအမှိုက်သရိုက်အိတ်ပေါင်း အနည်းဆုံး ၂၅ဘီလျှံခန့် ဟာ ဗြိတိန်နိုင်ငံက အိမ်တွေဆီကနေ စွန့် ပစ်ခဲ့ကြပါတယ်။ ဒါပေမယ့် ဒီစွန့်ပစ်ပစ္စည်းပလတ်စတစ်တွေထဲက  အချိုးအစားပမာဏနည်းနည်းကိုပဲ Recycle လုပ်နိုင်မှာဖြစ်ပါတယ်။

                  အချိုရည်ကုမ္ပဏီSodaStream ရဲ့ စစ်တမ်းကောက်ယူမှုအရ ဒီလိုမျိုးအမှိုက်ထွက်များတဲ့ ပွဲတော်ရာသီချိန်တွေမှာတောင်မှ ထွက်သမျှအမှိုက်ရဲ့ လေးပုံတစ်ပုံအောက်ကိုပဲ ဗြိတိန်မှာ recycle ပြန်လုပ်ဖြစ်ပြီး ကျန်တဲ့အချိန်တွေမှာတော့ recycle ပြန်လုပ်တဲ့ ပမာဏဟာ သိသိသာကြီးကိုလျှော့နည်းနေတာကို တွေ့ ရှိရပါတယ်။တစ်ကမ္ဘာလုံးအတိုင်းအတာနဲ့ ဆို recycle ပြန်လုပ်ဖြစ်တဲ့ ပမာဏဟာ ယနေ့ အချိန်ထိ ဆိုးဆိုးဝါးဝါးကြီးကို လျှော့နည်းလျှက် ရှိနေတုန်းပါပဲ။
                 ပလတ်စတစ်စွန့် ပစ်ပစ္စည်းတွေဟာ ယနေ့ ကမ္ဘာမြေကြီးကို တစတစ လည်ပင်းညှစ်သတ်လာနေပါပြီ။ တော်ရုံမဆွေးမြေ့ မပျက်စီးနိုင်တဲ့ ပလတ်စတစ်ရဲ့ ဂုဏ်သတ္တိကြောင့် ဒီစွန့်ပစ်ပစ္စည်းတွေဟာ ၎င်းကို စတင်ထုတ်လုပ်တဲ့အချိန်ကနေစပြီး ယနေ့အချိန်ထိတည်ရှိနေတဲ့ ပမာဏတွေကို စုစည်းလိုက်မယ်ဆိုရင် သမုဒ္ဓရာထဲမှာ ကြီးမားကျယ်ပြန့် ပြီး ရေပေါ်ပေါလောပေါ်နေတဲ့ ကျွန်းကြီးတစ်ကျွန်းကို တည်ဆောက်လို့ ရနိုင်တဲ့ အနေအထားကိုရောက်နေပါပြီ။နောက်ပြီး အဲဒီပလတ်စတစ်တွေကြောင့် တူးမြောင်းတွေ၊မြစ်ကြောင်းတွေ ပိတ်ဆို့ ပြီး ကုန်းနေရေနေ သတ္တ၀ါမျိုးစုံရဲ့အသက်ရှင်ရပ်တည်ရေးကို ကြီးမားစွာခြိမ်းခြောက်နေပြီဖြစ်ပါတယ်။
                   တစ်နေ့ တခြားဖွံ့ ဖြိုးတိုးတက်လာနေတဲ့ ကမ္ဘာကြီးရဲ့ အစိတ်အပိုင်းတိုင်းလိုလိုရဲ့  အိမ်တွေအပြင်ဘက်မှာ ပလတ်စတစ်စွန့် ပစ်ပစ္စည်းတွေကိုတွေ့ မြင်နေရပါတယ်။အိန္ဒိယနိုင်ငံတ၀န်းလုံးက လမ်းတွေပေါ်မှာ၊အာဖရိကတိုက်ရဲ့ ကျေးရွာတွေမှာ၊မြင်ရသူတွေ ရင်တုန်လောက်အောင် ညစ်ပတ်ရှုပ်ပွနေတဲ့ လက်တင်အမေရိကနေအိမ်တွေရဲ့  ခြံစည်းရိုးပတ်ပတ်လည်မှာ၊နေရာတကာမှာ တွေ့နေရပြီး စနစ်တကျစုပုံထားတာမျိုးမဟုတ်ပဲ တခါတလေမှာ မီးရှို့ လို့  ကျန်းမာရေးအတွက် အန္တရာယ်ရှိတဲ့ မီးခိုးငွေ့ တွေ ပတ်ဝန်းကျင်ကို ပျံ့ နှံ့ စေတာမျိုးတွေဟာ နေရာတိုင်းမှာ ဖြစ်လျက်ရှိနေပါတယ်။
                    ရုရှနိုင်ငံမော်စကိုမြို့ ရဲ့ ဥယျာဉ်တွေကနေစပြီးကြည့်လိုက်ရင် နွေဦးပူနွေးလာလို့ နှင်းတွေအရည်ပျော်လာတဲ့အချိန်မှာ ဝေးလံလှတဲ့ တိဘက်ကုန်းမြင့်နဲ့ ဧ၀ရက်တောင်ထွတ်ထိတိုင်အောင် ဘယ်နေရာမှာမဆို လွှင့်ပစ်ထားတဲ့ ပလတ်စတစ်အိတ်တွေ၊ပုလင်းခွံတွေ၊လွှင့်ပစ်ထားတဲ့ ကစားစရာအဟောင်းအစုတ်တွေ၊သုံးပြီးသား သွားပွတ်တံတွေနဲ့ ဖိနပ်အဟောင်းအစုတ်တွေကို တွေ့မြင်ကြရမှာဖြစ်ပါတယ်။



                    ဒါပေမယ့် ခုချိန်ထိ ဒီပြသနာအတိမ်အနက်နဲ့ ပတ်သက်လို့  တစ်ကမ္ဘာလုံးအတိုင်းအတာ တိကျစွာစစ်တမ်းကောက်ယူထားတဲ့ ပမာဏမရှိသေးပေမယ့် Plastics Europe( the European trade association for plastics manufacturers ) ကနေနှစ်စဉ် ကမ္ဘာတစ်ဝန်းလုံးကို ထုတ်လုပ်တင်ပို့ နေတဲ့ ပလတ်စတစ်ကုန်ပစ္စည်းအရေအတွက်ဟာ တန်ချိန်သန်းပေါင်း ၂၆၅သန်း ရှိနေတယ်လို့ ဆိုပါတယ်။


                   ဗြိတိန်နိုင်ငံကနေ တစ်ကမ္ဘာလုံးအတိုင်းအတာထုတ်လုပ်တင်ပို့ နေတဲ့  ပလတ်စတစ်ပစ္စည်းတန်ချိန် သန်းပေါင်း ၁၇၀ခန့် ရှိပြီး အဲဒီပလတ်စတစ်တွေထဲက  အနည်းဆုံး သုံးပုံနှစ်ပုံကို ထုတ်ပိုးမှုအတွက် သုံးစွဲကာ တစ်ခါသုံးပြီး ပြန်လည် recycle လုပ်လို့ ရအောင်ဖန်တီးထားပါတယ်။ဥရောပယူနီယံရဲ့recycle rateစုစုပေါင်း ၃၃%၊ဗြိတိန်ရဲ့သုံးပုံနှစ်ပုံ တစ်နည်းအားဖြင့် တန်ချိန် ၁၁၃သန်းဟာ တစ်ကမ္ဘာလုံးအတိုင်းအတာပလတ်စတစ်ထုတ်လုပ်သုံးစွဲမှုကို မဖာထည်းနိုင်ပါဘူး။သုံးစွဲပြီးပလတ်စတစ်ပစ္စည်းတွေဟာ ကမ္ဘာအရပ်ရပ်မှာ မြေဖို့ ခြင်း၊မီးရှို့ ဖျက်ဆီးခြင်း ဒါမှမဟုတ် ပစ်စလက်ခတ်လွင့်ပစ်ခြင်းစတဲ့ လုပ်ဆောင်မှုတွေကြောင့် လူတွေနဲ့ တောရိုင်းတိရစ္ဆာန်တွေရဲ့ပတ်ဝန်းကျင်ကို ရှုပ်ပွညစ်ညမ်းစေလျှက်ရှိနေပါသေးတယ်။ ဒီလိုတည်ရှိနေတဲ့ စွန့်ပစ်ပလတ်စတစ်အမှိုက်တွေကို တဆက်တစပ်တည်းဖြန့် ခင်းချလိုက်ရင် အမေရိကန်ပြည်ထောင်စုရဲ့ပြည်နယ်၄၈ပြည်နယ်ကို ဖုံးလွှမ်းနိုင်လောက်တဲ့အထိများပြားနေပါတယ်။ နောက်ပြီးတော့ အမေရိကန်ပြည်ထောင်စုကနှစ်စဉ် ထွက်ရှိတဲ့ ပလတ်စတစ် အမှိုက်ပမာဏဟာလည်း တရုတ်နိုင်ငံတစ်ခုလုံးကို လုံလောက်စွာဖုံးလွှမ်းနိုင်တဲ့ အနေအထားမှာရှိနေပါတယ်။



                    လွန်ခဲ့တဲ့နှစ်အနည်းငယ်ခန့် က ဗြိတိန်မှာ ပလတ်စတစ်စွန့် ပစ်အမှိုက်တွေနဲ့ ပတ်သက်ပြီး ပြည်သူလူထုအကြား စိုရိမ်မှုများမြင့်တက်လာပြီး အစိုးရကိုယ်တိုင်ပါဝင်ထိန်းသိမ်းဖို့ ကြိုးပမ်းခဲ့ပါတယ်။ပြည်သူလူထုအတွင်း ပလတ်စတစ်မသုံးစွဲရေးလှုပ်ရှားမှုများ ပေါ်ပေါက်ခဲ့ပြီး ဗြိတိန်ဝန်ကြီးချုပ် ဂေါ်ဒွင်ဘရောင်းကိုယ်တိုင် အဓိက ကုန်ပစ္စည်းရောင်းချသူများကို ၄င်းတို့ သုံးစွဲနေတဲ့ ပလတ်စတစ်ထုတ်ပိုးပစ္စည်းတွေကို တစ်ဆင့်ချင်းလျှော့ချသုံးစွဲဖို့  လူသိရှင်ကြားတိုက်တွန်းခဲ့ပါသေးတယ်။ဒါပေမယ့် ဂေါ်ဒွင်ဘရောင်းလက်ထက် ကြိုးပမ်းအားထုတ်မှုတွေဟာ သိသာထင်ရှားတဲ့ပြောင်းလဲမှုတွေဖြစ်မလာခဲ့တဲ့အတွက် သူ့ ကိုဆက်ခံသူ လက်ရှိဝန်ကြီးချုပ်ဂျိမ်းစ်ကင်မရွန်က အဲဒီပလတ်စတစ်နဲ့ ပတ်သက်ပြီး အခွန်တိုးမြင့်ကောက်ခံဖို့ စဉ်းစားလာပါတယ်။အဲဒီကိစ္စကို ပလတ်စတစ်ထုတ်လုပ်သူများက အပြင်းအထန်ကန့် ကွက်ကြပြီး အဲဒီလိုပလတ်စတစ်သုံးစွဲမှုလျှော့ချလိုက်ရင် သေချာပေါက် တဘက်မှာသစ်တောပြုန်းတီးမှုတွေ ပိုမိုဖြစ်ပေါ်လာနိုင်တယ်လို့ သတိပေးလာကြပါတယ်။



                  ပလတ်စတစ်မသုံးစွဲရင် ယနေ့ကမ္ဘာဟာ ဘယ်လိုနေမလဲ။မေးသင့်တဲ့မေးခွန်းတစ်ခုပါ။ ၂၀၁၁အစောပိုင်းကာလတုန်းက သြစတြီးယားနိုင်ငံအခြေစိုက် သဘာဝပတ်ဝန်းကျင်ဆိုင်ရာပညာရှင် Denkstatt ရဲ့သုံးသပ်ချက်ကို စဉ်းစားကြည့်ရအောင်ပါ။ သူပြောသွားတာက လယ်သမားတွေ၊ကုန်သည်တွေနဲ့ စားသုံးသူတွေဟာ ပလတ်စတစ်မပေါ်ခင်တုန်းကလို ကုန်ပစ္စည်းတွေကိုထုတ်ပိုးဖို့ အတွက် သစ်သားတွေ၊စက္ကူတွေ၊သံဗူးတွေ၊ဖန်ပုလင်းတွေနဲ့ ကတ်ထူပြားတွေကိုသာ သုံးစွဲမယ်ဆိုရင် ယနေ့ ကုန်ထုတ်လုပ်မှု လိုအပ်ချက်အရ အသုံးပြုရမယ့်ထုထည်ပမာဏဟာ ၃.၆ဆမြင့်တက်သွားမှာဖြစ်ပြီး အဲဒီပမာဏကိုထုတ်လုပ်ဖို့ အတွက် သုံးစွဲရတဲ့စွမ်းအင်ကြောင့် လေထုထဲကိုကာဗွန်ထုတ်လွှတ်မှုဟာလည်း ၂.၇ဆမြင့်တက်သွားစေမှာဖြစ်တယ်လို့  Denkstatt ကထောက်ပြသွားပါတယ်။



အပိုင်း(၂)ကိုမကြာမီဆက်လက် တင်ဆက်ပါမည်။

                                                                                        ငချွန်းယေ(၁၀၊၁၊၂၀၁၂)

ဂါဒီးယန်းသတင်းစာမှ ဆောင်းပါးရှင် Juliette Jowit ၏
Global hunger for plastic packaging leaves waste solution a long way off ဆောင်းပါးအား ဘာသာပြန်ဆိုဖော်ပြသည်။
မူရင်း သတင်းစာဆောင်းပါး>>

သတိပြုရန်
Avoid No.3
One type of plastic that releases harmful chemicals which can pollute our bodies and our planet is polyvinyl chloride or PVC,used to make pipes,shower curtains,floor coverings and food containers.During manufacturing,PVC releases carcinogenic vinyl chloride and when incinerated,dangerous dioxin.To avoid PVC,shun plastics labeled with "No.3"